Bi fermanê Wezîrê Karanê Zereyî Horst Seehoferî Weşanxaneyê Mezopotamya û Mîr Muzîk 12ê Sibata 2019î de amebî qedexekerdene. Polîsan eynî roje eştbî serê her di dezgehan û berê dezgehan mor kerdbî. Sere de Almanya paştdayîşê weşanxaneyanê Ewropayîyan ê Mezopotamya dewam keno.
Bajarê Hambûrgî yê Almanya ra Unrast-Verlag, Awusturya ra Manelbaum Verlag û Swîsre ra Edîtîon, nê hîrê weşanxaneyan semedê piştîdayîşê Weşanxaneyê Mezopotamya dest bi kampanyayêk kerde. Wêşankaran ard ziwan ke kitabê ke ameyî dest sernayene,înan ra qet kitabêk zî qedexe nêyo û wendoxî ganî nê kitaban ra mehrûm nêmanê. Her hîrê weşanxaneyan vist vîrî ke Weşanxaneyê Mezopotamya sere de tarîx û kulturê Kurdan ziwananê cîya-cîyayan de eseranê muhîman ê derheqê Tevgerê Cinîyan û Kurdîstan, kitabanê Abdullah Ocalanî û kitabanê musayîşî resneno wendoxanê xo û wina va: “Kitabê ke hetê polîsan ra ameyî destsernayene tayî ê înan nîyî, tena roşenî. Ma naye ra vanê sansur.”
Seba ke sansuro ke dewleta Alman bica ana bêro wedartene çarçeweya projeyê her hîrê weşanxaneyan de tayî eserê muhîmê ke Weşanxaneyê Mezopotamya ra Almankî ameybî weşanayene do newe ra bi nameyê “Edîtîon Mezopotamya” wendoxan de bêrê têhet. Hedefê weşanxaneyî oyo ke nê kitaban biresnê Fûarê Kitabanê ê Frankfurtî yê Mîyannteweyîyî yo ke menga Teşrîna Verêne de do bêro viraştene.
Kitabheskerdoxî eşkenê nê hesabî ser ra piştî bidê nê projeyî: Verein z. Forderung kurdischer Kultur e.V. i.Gr. IBAN: DE78 4306 0967 1011 1214 00. Verwendungszweck: Edition Mezopotamya
ANF/FRANKFURT