Hamîdîye Guler ke dewa Bargînî yê qezaya Dersim Xozad de weşî kena 13 serrîya xo ra na het kîlîm virazena û endî no karî de bîya westa. Guler ke serranê 70î de goçê almanya kerd, serre mîyan de 6 aşmî şina dew de vêrnena ra. Hamîdîye Guler dana zonayen ke wextanê verîn de viraştişê cacîm hona jêde zehmet bi. Guler kesa peynîya ke atolyeyê viraştişê kîlîm ke zey "Tew" yeno biname kerdiş de xebetyena ya. Hamîdîye Guler dana zonayen ke nê wextan de endî kes peşmî ra mijûl nêbeno û ana zon ke a bi 15 gindêlike ristî ra, ser dezgehê 25 metroyî de kîlîm virazena.
61 serrîyo hona qayîm o
Guler bi malzemeyê masûr desen dana rêsan, bi bewşikî kena pêt. Bi çuweyê pijikî zî têtewrkewtişê rêsan manî kena. Bi gurayinî zî rêsan kena sabît. Bi şaneyê kerkîtî zî şiklê peynî dana kîlîmî. Guler Cacîmo 25 metreyî tewr peynî de kena 4 lete û deştena. Hamîdîye Guler dana zonayen ke a tenya bi xo jew kilîmî mavêna 12-13 rojan de virazena. No hamnanî de Guler di kîlîmî viraştî û nika destpa viraştişê hîrêyînî kerd. Guler dîyar kena ke goreyê kîlîmanê bînî cacîm hona jêde qayîm o û dana zonayen ke ayî 8 domananê xo ra jewêr kilîm viraşto û xêlê kîlîmê bînî kî dostanê xo rê xelat dayo. Guler vana, nê kîlîmî zaf bi qiymetî yê, pêtî yê û dana zonayen ke jew kîlîmo ke cêzê ay bi 61 serrîyo hona qayîm o. Guler ke lome kena tewr peynî de ana zon ke endî kes bi na gelenega verên ra eleqedar nêbeno û vana ez wazena ke na geleneg dewam bikero.
DÎHA / DERSIM