Fermandarê Qerargeha Navendî ya Pawitişê Şarî Mûrat Karayilan, tewrê merasîmê firazkerdişê Newroz yê  qadanê azad bi û gêrîlayanê azadîye rê qisey kerd. Karayilanî vist vîrî ke hêrîşê faşîzmê AKP-MHP bihêzîya înan ra nê, tersê înan ra yê.

Newroza 2017'î koyanê azad de zî bi merasîmêke amê firazkerdiş. Fermandarê Qerargeha Navandî ya Pawitişê Şarî Mûrat Karayilan, Fermandaranê HPG û YJA Star ra Leyla Amed, Zozan Çewlîk, Mahîr Atakan û Îrfan Amed tewrê merasîmê Newroz bî. Rîzgirotişî ra dima Karayilanî qisey kerd û vist vîrî ke Newroz roja newî ya, mijdîyanîya azadî ya, roca tekoşîne û serkewtişî ya. 

Kes nêşkeno vernîya heqîqetî bigîro

Karayilanî şexsê Kawayê Hemdemî Mazlûm Doganî de heme şehîdanê azadîye vîr ardî û sozê bi caardiş û domnayişê kede û tekoşîna înan da. 

Fermandarê Qerargeha Navandî ya Pawitişê Şarî Mûrat Karayilan’î vist vîrî ke şarê kurd Newroza 2017'î pêvajoyêka zaf muhîme de verwazî keno û wina va: “Têkoşîna şarê kurdî merhaleyêka muhîme ra derbas bena. Herkes şerê Rojhelatê Mîyanênî yo ke do qedera şaran bivurno, vîneno. Şarê kurd no dîzayno newe de bîyo aktor.Pergala newîye de do cayê şarê kurdî bibo. Wext wextê azadîya şarê kurdî yo. Wext wextê awandkerdişê Kurdistana azad o. Kes nêşeno vernîya nê heqîqetî bigero.” 

Hêrîşkarîya AKP tersê ci ra yo 

Karayilan’î hayr ant îtîfaqê faşîstîn yê AKP-MHP ser û vist vîrî ke “Îtîfaqê AKP-MHP 2 serrî yo rewşa hêrîşî de yo û hêrîşê  şarê kurdî keno.” Karayilan’î hayr ant tecrîdê verva Ocalanî, komkiştişê verva heremê xorayverînan, operasyonê qirkedişê sîyasî û hêrîşanê çehar leteyê Kurdîstanî ser û aşkere kerd ke ‘Nê êrîşî bihêzîya înan ra nê, tersê înan ra yê.

Fermandarê Qerargeha Navandî ya Pawitişê Şarî va, ‘Ê zanê ke bi serreyê xo nêşikenê ma têk berê. Bi no sebeb generalanê tirkan bi Eşêrê Ereban de kombîyayişî viraştî û wina dewam kerd: “Înan ra wazenê ke verva Şoreşa Rojawayî şer bikerê. Eşîran û cerdewananê vakûrî arenê pêhete. Seba ke verva ma şer bikerê pereyan teklîfê înan kenê. Ganî ti kesêke nêro nê kayan û nêxapêyo. Reyna AKP-MHP wazenê Başûr de bi kay û xapan kurdan pêdir bidê şerkerdiş.”

Karayilanî tewr peynî de veng da ke, rewşêka wina tarîxî de, her kes verva kayanê dewlete çimakerde bo û vengdayîşê Yewîya Neteweyî kerd.  


 BEHDÎNAN