Pîr û Mayê Alewî yê Dersimî seweta poştdayenê xoverdayişê Cizîr şî qezaya Mêrdîn Nisêbîn. Alimê îtiqatê alewî pey barîqatan de damûstayin day û qetlîamanê dewleta Tirk protesto kerdî. Pîr Hasan Genç’î damustayin de qisey kerd û waşt ke êrişê qirkerdin yê dewleta Tirk desinde vinderê û niya veng da: “Endî qetlîaman vindernê, haşitî virazê, wa kes nêmiro. Çiyê ke Cizîr de qewimiyay, însaniyet û wijdanî qebûl nêkenê. Genç’î teşîrkerdişê bedenê viran yê ceniyan zey biyayişa dûstê merdimatî biname kerd û qiseyê xo niya ramit: “Veng danime pêrokîn merdimatî, bêrê bi çimandê xo bivînê. Wextê vindernayişê no zilmî ame. Menşûre Dogan kî nûmayiş de qisey kerd û hayr ant kerdenanê Cizîr ser. Dogan vist vîrî ke çiyê eleqedarê însaniyetî pey de nê ternay. Dogan va, dinya pêrokîn zilmî vîneno, la zilmê vera Kurdan nêvîneno û yê ke ferman danê ra waşt ke bîrê îmanî. Pîrê Ocaxanê Alewî û Mayî mehleyan de geyriyay û bi şarî ra qisey kerdî.
‘Ez pey vatişanê xo de ya’
Heto bîn ra delegeyê Kongreyê Îslama Demokratîk yê Awrûpa Melle Eşref Bûdak’î, veriya wextekê derheqê ‘xorayverîn û xendekan’ de, Camî ya Beddîuzzaman Saîdê Kurdî yê Bremen de hutbe da. Bûdak rîwalê nay bi hedefê çapemeniya hetkara AKP. Bûdak’î vist vîrî ke o pey qiseyanê xo de yo û aşkere kerd ke, semedê Medîneya Hz. Mihemmed’î xendek çiko se, semedê ma kî xendekî o yo. Bûdak’î va, eke jew ca de însanî yenê veşnayense, nameyê ney wehşet o, nameyê ci yê bîn çinyo.
Melle Eşref Bûdak’î da zonayen ke, rîwalê ke, ê ser dînî polîtîkayanê AKP deşifre kenê benê hedef û ina qisey kerd: “Rexmo ke mi Îmam Hatîp wendo, mi Îmamiya dewlet qebûl nêkerd. Memûriyetîna Diyanet çiyê de eksê baweriyo.
Bûdak’î hayr ant waştena xorayverîn ser û ard ziwan ke, waştena xo bi xo îdarekerdiş heq o. Bûdak’î waştena xorayverîn rê bi tanq û topan, bi barbarîzm cewab dayiş zey wehşet biname kerd. Bûdak’î peynî de veng da îmam û herkesî ke vera wehşeta dewleta Tirk bikewê hereket.
ANF/NAVENDÊ XEBERAN