Berpirsîyarê kome Engîn Yurtsever da zanayiş ke gelek têkoşînê azadîye yê dinyaye di kesayetîya partî yan zî Rayverekî de şênber bîyo û wina vat: “Têkoşîna şarê ma zî di kesayetîya Rayverê Şarê Kurd Abdullah Ocalan de şênber bîyo, no ser zî armancê çalakîya ma azadîya Ocalan o.”
Yurtsever dîyar kerd ke têkoşîna şarê kurd demo derg ra vila bîyo û rixne kerd ke têkoşîna kurd di çarçiweya ‘terorê’ de yena nirxnayiş.
Yurtsever çalakîyê terorî yê çeteyê DAIŞê bi vîr vist û destnîşan kerd ke Tevgera Kurdistanê yewane hêzê verî nê çeteyan girewt, no ser zî ganî Tevgera Kurd lîsteyê rayvistişê terorê ra bêro vetiş.
Rayverê ma ra azadî
Xanim Sahîndal a ke raya diyin beşdarê çalakîye bena, nêzdîbîyîşê ‘ker-kor’ a welatê dinyaye ya verba kurdan rixne kerd û vat: “Ma hewl danî rewşa xo pêroyina dinyaye ra bidê vatiş û bawera ma bi têrkerdî vatê la belê dinya ker û kor o, nê ma goşdernenî nê zî vînenî. Ma seba azadkerdişê Rayverê xo di nocayê de yê û bêyî Rayverê ma azadî nêbeno û Ma do Rayverê xo azad bikerê.”
Seba HDPê veng da
Çalakwan a sewbî cenî Meryem Can zî bi vîr vist ke çalakî kêm mendo serra xo ya hîrêyin temam bikero û bal ant ser weçînayişê 7 hezîrene. Can ard ziwan ke a Dêrsime ra ya û wina dewam kerd: “Zey cenîyeke Dêrsime vengê dêrsimijan kena; ma rayê xo bidê HDPe, na rewş seba ma zaf bi muhîm o, veng dana ke di no warî de her kes hişyar bibo.”
ANF/STRASBOURG