Bakurê Kurdisan û Tirkiye de yew referandum virazîya. Ser nê referandumî kurdî, tirkî û herkes qisey keno. Teberê Erdogan-AKP-BBP-MHP-Hîzbulkontra Hudaparê faşîst herkes vano no referandum rewa û meşru nîyo. Teberê de çeteyên El Nusra, Ehrari Şam û KDP ser referandumî Erdoganî pîroz û bimbarek kenî. Xora nayî hem çeteyê Erdoganî û hem zî şirîkê eyê yê.
Ewropa û Emerîka û welatê bîn pêro nê referandamî meşru nîvînenî, vanî hayanê raporê AGÎT eşkerê nêbo ma qisey nîkenî û ma Erdoganî zî nîgerênî.
Heteê rewabîyayîşê referandumî hinayo. La hetê kamî rey dayî, hetê mîlletî de ayê ke reyê xo qey nê û yê şuxulnayî teqabûlê çiqasî mîlet kenî yew ser nayî nêvindeno. Çîyo muhîm nayo. Wexto ke yew hina biewno bi yeqînî aseno ke Nê ferq eşto yê. Ayê ke vato nê humarê ayê bajaran 34 û humarê însanê ayê bajaran zî 48 Mîlyon û 635 hezar û 725 kesîyo. Ayê ke vato yê zî 48 bajar û humarê însanê ayê bajaran zî 31 mîlyon û 179 hezar û 146 kesîyo. Yanê ayê ke vato nê tam 18 mîlyon ferq eşto ayê yê.
Pêronê humarê Bakurê Kurdistan û Tirkîye 79 mîlyon û 814 hezar û 871 kesîyo bi, hete seyî ra zî vejîyeno werti ke seyî ra 60 zêdeyîr însanan vato nê.Zobî zî xora giranî bajarê Bakurê Kurdistan vato nê. Bajarê tirkan zî bajarê ke vato nê, en tayî her bajar de beyntare 20 û 50 seyî înan Kurdî. Tena Stanbol de beytarê 6 û 7 mîlyon Kurdistanij ciwîyenî.
Yane sey tayî vanî kurdan vato yê çîyo hinayin binî de zurîyê.
Hele ma bi ewnî yew bi yew kam hebî bajaran vato nê. Humarê nê bajaran çiqaso
Amed: 1.673.119
Wan: 1.100.190
Mêrdîn: 796.237
Batman: 576.899
Agirî: 542.255
Sêrt: 322.664
Erdexan: 98.335
Idîr: 192.785
Dersim: 82.193
Colemêrg: 267.813
Şirnex: 483.788
Stanbol: 14.804.116
Engurî(Enqere): 5.346.518
Îzmîr: 4.223.545
Adana: 2.201.670
Antalya: 2.328.555
Mersîn: 1.773.852
Hatay: 1.555.165
Mugla: 923.773
Denîzlî: 1.005.687
Aydın: 1.068.260
Manîsa: 1.396.945
Uşak: 358.736
Balıkkesîr: 1.196.176
Çanakkale: 519.793
Tekîrdax: 972.875
Kırklarelî: 351.684
Edîrne: 401.701
Bîlecîk: 218.297
Eskîşehîr: 844.842
Zonguldak: 597.524
Artvîn: 168.068
Yalova: 241.665
Pêser hûmarê nê bajaran 48 mîlyon û 635 hezar û 725 kesîyo.
Nê bajaran de teberê Bîlecîk, Artvîn û Zonguldakî hema her bajar de en tayî seyî ra 20 û 50 kurdî ciwîyenî. Yane kurdan pê reyê nê dagîrkerî û faşîzmê AKP û dewleta tirkî ra va nê. Kurd vanî ma Bakurê Kurdistan û Anatolîya de dagîrkerî û faşîzm nêvazenî. Peyamê şarê kurdî zelalo.
Faşîzm vînkerdo û kurdan qezençkerdo.