Xakurkê de îrade sîlehî ra tesîrin a

MAHÎR YILMAZKAYA / ANF / BEHDÎNAN

Dewleta tirkî Başûrê Kurdistanî de vera herêmanê Xakurkê û Bradostî de planê dagîrkerîye daya dest pêkerdene û hewl dana hêrişanê xo vera herêmanê bînan de bida dest pêkerdene.

Roja ke hêrişî dest pêkerdî ra nata mabênê artêşa tirkî û gerîlayanê HPG û YJA-Starî de pêrodayîşê şîddetinî dewam kenî. Herçiqas ke erazî de şertê zehmetinî estî, labelê gerîlayî heta nika derbê girdî dayî artêşa tirkî ro û artêşe zaîyatêko gird dayo.

Artêşa ke nêşêna bejayî ra bikewa herême, hewl dana bi hetkarîya teyara û helîkopteran bikewa.  Leşkerê ke bi hawayo taybet ameyî perwerde kerdene hewl danî bikewî herême. No zî nîşan dano ke dewleta tirkî ‘Sendromê Xakurkê’ cuyena.

Dewleta tirkî girê ke ser o ya de dest bi awankerdişê qereqolan kerdo û no zî nîşan dano ke dewleta tirkî hewl dana herêmêka tampone awan bikera.”