Çond serrî yo rojnama Ozgur Polîtîka de hefte de reye nusnen. Verecoy kesanêke nî îmkanî dayî mi, kesanêke ma rê raya çapemeniye bi gonî û canê xo kerde ra, înan rê berxûdariya xo van. Can û gonya qehremanan ke nêbiyenê, ewro belkakî namê ma nêamenê zonayene. Sayiya cangoriyan de ewro her hetê dîna de kurdî yenê naskerdene.
Mi ke dest kerd nusnayene, sloganê mi no bî: Eke ti zonê dezdayoxê xo de derd û meramê xo ana zon, o cereno ra to reyna dezneno. Na sloganî ez populîzm ra dûrî guretune. Mi zonenê, ez ça nusnen û kamî rê xizmete ken. Çond însanê ma besekenê zonê xo de biwanê, na qisaweta mi nêbiye. La, armancê mi însanan seweta zonê înan teşvîq kerdene biye. Çiqas naye de kewtune ser, nêzonen.
Mi bi xo 1991 suka Almanya Duisburg de bi radyo dest kerd karê zazakî. A roze ra na het bi zazakî çapemeniye de gureyen. La nika wazen hebe mavên bidînê ci. Hata key? Naye ez kî nêzonen.
Bimanê wertê xêr û selametiye de!
Xatir be sima!