No weçînayiş weçînayişêko zêde girîng bo. Se sero pergalê netew dewletî esta. Zehf xo bi hêz, bi qewet vînayê. Duşt nê pergalê netew dewletî tekoşînoko bê hempa yeno-emew dayiş. No tekoşînde zehf zêde bedelî amew dayiş e. Bedelêy bê hempa ameye dayiş. Zehf Şehîdî amew dayiş e. Tenê nê di menganê peyinan de hergû roj cenazey şehîdan ameyê. Roj bibî nê cenazê şehîdan desra vêrtey. Nê cenazê şehîdan heme şaristanê Kurdistanî de amey definkerdiş. Şarê Kurdistanî hem cenazêy xo pêşwazî kerdêy merasimê cenazan bê qusur, zey layiqîy bîy pêk ardêy, tazîyê xo bi ca ardê. Malbatêy Şehîdan tenê nêverdê. Heto bîn ra zî kar û xebata weçînayişî bi ca ardêy.
Duşt nê pergalê netew dewletî goş daye Serekê xo netewo demokratik. Civako demokratik bêro awan kerdiş. No erdnîgarî sero hendî lîbasê netew dewletî nê civakîrê teng yen- kilm yen. Na erdnîgarîya Rojhilato Werte (Ortadogu) ser civako zehf netew, zehf ol û zehf mezhebi ciya-ciya cuyen. Heta ewro zî na ciyatîya xo zî wertê xo de bi aşîtî heta ewro arda. Heta pergale yê nêverdê yewbînî zey biran tê hete cuyê. La zehf reyan zî tehda ro yewbînan kerda. Na tehda zî bi destê pergalî amewo kerdiş e. Madem na raştî esta. Raştiya ciya ciya netew, ol, mezheban esta lazimo nayerê çareserî bêro vînayiş-diyayiş. Na çareserî zî civako demokratik, netewo demokratik reydir beno. Rayêka bîne zî çinya.
Bi na proja Serekatî, bi na heşmendî, bi na bawerî namzetê HDP ey amew nîşandayiş. Gava merdim awnen namzatanê HDP pêroyin û nê heştay kesêko amey weçînayiş heme rengê na erdnîgarî nişan danê. Heme teydir wertê- miyane kar û xebatê weçînayişî de caya xo girewt. Zerê Meclîsa Turkîye de bi temamî 550 mebûsî estê 80 heb mebûsê HDP tay nîyê. Girîngîya yine zêdeya. Hema tenê eyro qowalîsyon kû yeno xeberdayiş bi saya nê partiya HDP yo.
Heta ewro Meclîsa Turkîya de car carna mebûsê-wekîlê muhalefetîy netew dewletîrê kerde bibiyêy. La hêjmara yine kemî bîyay. Dewleta Turkiyay zî zey eyro zey nê sera deşifre nêbibiyay. Ewro heme hetîyay destê tevgera tekoşînê kurdan xurto. Lazimo çi karêk tene hêviya meclise nêmano-nêverdim. Zey heme rojî weçînayişo ma bixebetyim e. Ma înşaya temamkerim e. Meclîsanê taxan temamkerim e. La bi şertêko her meclîsa taxan biêşko xo biparêzo. Pawiyayişê xo yê bi xo bikerê. Hêvî çi kesî çi qewetî teberê xo nêvinderê. Karo herî biqedr û qîmet rêxistînî û perwerde yo. Verînan vato “nezanî xizaniya”. Raynê vatişêkê verînan “paştîyêka ti bi destê xo wirê cay nêşiknê, wirê caye nêşikyen o”.
Bi saya Serekê ma; ma Şengal de, Mexmûr de, Kobanî de, weçînayişê hewtê hezîranî de û Tel Abayd de bi serkewtê. Çi qewet nêşkeno verniya ma bigero. Raynê rêxistinî û perwerdeyî.
Nesîp GULTEKÎN