Têkildarî xebatên Beşa Sînemayê yên Navenda Çanda Cegerxwînê Îlham Bakir anî ziman ku xebaten xwe bi feraseta "Çanda Şoreşger" dimeşînin û got: "Ger ku em ji huner û çanda çoşergerî re dibêjin hunera alternatif wê demê divê ev çand û huner parastina civakî bike."  Xebatên Navenda Çand û Hunerê û Ciwanan a Cegerxwinê ku di bin baneya Şaredariya Peyasê de xebatên xwe dimeşîne xebatên li ser çand û hunerê berdewam dike. Bi boneya çand û hunera Kurdan pêş bixin, xebatên şano, kursên muzikê û xebatên atolyeyan roj bi roj zêde dikin. Navenda Ciwanan, li ser nexşên çandê dixwazin bikin Navenda Çanda Bajar. Têkildarî xebatên Navenda Çanda û Hunerê ya Ciwanan a Cegerxwînê Yunus Guçlu, anî ziman ku ew li ser xebatên alternatif ên çand û hunerê hûr dibin û armanc dikin ku çand û hunerê têxin xizmeta civakê. Guçlü, anî ziman ku çand mijarek bi tevahî civakî ye û çavkanî rengê xwe ji civakê digire û wiha got: "Ji ber vê yekê divê nirx û jyana civakê di nava xwe de biparêze û pêş bixe. Divê di xizmeta civakê de be. Em xebatên xwe bi awayekî kolektif pêş dixin.

Guçlu, da zanîn ku bi boneya ji çanda populerê dûr bikevin, çanda çoreşgerî esas digirin û ji bo vê yekê dixwazin çandek alternatef ava bikin. Guçlu, anî ziman ku ji ber van sedeman nirxên civakî û çanda civakî esas digirin û xebatên xwe pêş dixin. Guçlu, daxuyand ku dema ew rewşa ronîbûna Kurdan û renginiya Kurdan li ber çavan digirin dibînin ku potansiyelek mezin heye.

'Lêgerîna çareseriya şoreşgerî'
Têkildarî xebatên Beşa Sînemayê yên Navenda Çanda Cegerxwînê Îlham Bakir jî anî ziman ku xebaten xwe bi feraseta "Çanda Şoreşger" dimeşînin û got: "Ger ku em ji huner û çanda çoşergerî re dibêjin hunera alternatif wê demê divê ev çand û huner parastina civakî bike. Xebatên me jî bi vê misyonê xwedî erk û peyvirek e. Ji destpêka tevgera azadiya Kurd heta niha di çand û hunera Kurdan de jî serkeftin û hilberînek mezin heye. Gavên girîng hatin avêtin. Hêzên kapîtalîst çand kirine wekî amûr û alavekî kapitalizmê û dixwazin li gorî xwe texe bixin û pêş bixin. Êrîşên hovane yên Pergala Şaristaniya Dewletparêz, herî zêde êrîşî qadên civakî dikin. Herî zêde êrîşî çanda civakê û nirxên civakê dikin. Divê em jî karibin vê çandê li hemberî van êrîşan biparêzin. Ji dîroka mirovahiyê heta niha çiqas nirxên hêja û bi qîmet hebin rastî êrîşa çanda populist hatiye. Çanda civaki her tim ji aliyê hişmendiya yekparêz ve hatiye tunekirin. Hemû nirxên civakî hatine perçekirin û îmhakirin. Em ancak li hemberî êrîşên liberal bi afirîna polîtîkayên alternatif û hilberîna çanda civakî çandê biparêzin."

DÎHA/AMED