9ê Teşrîne verêne de bi seyan kesê ke operasyonê sîyasî de ameyî tepiştene ra 25 kesî Amed de vejîyayî mehkeme. Mehkeme de rojnamegere Kibrîye Evrene zî tede 23 kesî tewqîf kerdî.
Sey xeylê mehkemeyanê bînan qeraro keyfî yê ‘endamê rêxistîne bîyayene’ na mehkeme de zî bi mehneya tewfîqkerdişî. Ê ke ameyî tepiştene nameyê înan wina yî: Kîbrîye Evrene, Behçet Îne, Celal Yoldaş, Eda Bazancire, Hulya Bîçene, Hasret Alpe, Sercan Dogan, Alîye Toke, Elîf Harra, Nevrîye Çule, Kumru Tokaye, Rifat Ronî, Mehmet Temîzyuz.
Kesê ke tepişîyayî ra yê ke serbest ameyî veradayene zî nê yî: Abbas Çelîk, Emrullah Kaplan, Derya Aslane, Dîdar Çeşme, Dîlnaz Ekmekçî, Seher Tumere, Pinar Sakik Tekîne, Selma Metîne, Eylem Ceylane, Turkî Gultekîne, Kadrîye Ozcanli, Mehmet Ay. Heto bîn ra ame musayene ke rojnamegere Servet Onera ke Stenbol de ameye tepiştene zî do bîyarî Amed.
Nameyê îxbarkaran nîno zanayene
Tewqîfbîyayîşê 13 kesan ra dima vejîya orte ke rojnameger û sîyasetmedarî goreyê îxbarê kesê ke nameyê înan nîno zanayene, ameyî tepiştene û yenî mehkeme kerdene. Nînan ra îxbarê 3 kesan de yeno dîyayene ke xebatê rojnameger û sîyasetmedaran sey sucî hesibîyayo. Bitaybetî beşdarbîyayîşê rojnamegeran yê kombîyayîşê Kongreya Komelê Demokratîke (KCD) zî sey sucî ameyo dîyayene.
AMED