5ê Temmuze de netîceyê hêrişê hewayî yê dewleta Tirkî de Endamê Konseyê Serekîya Pêroyî yê KCKyî û Endamê Konseyê Caardişî yê KCKyî Dîyar Xerîb (Helmet) şehîd bibi. Helmet roja 40. ya şehadetê xo de Silêmanî de bi merasîmêk ame vîrardene.
Merasîm Taxa Bextîyarî ya Silêmanî de ame viraştene û 4 parçeyê Kurdîstanî ra xeylê kesî beşdarê merasîmî bîyî. Merasîm bi şîyarê ‘Ma do bi ruhê Embaz Helmetî şorişê Başûrê Kurdîstanî biresnî serkewtişî û zorê xeta îxanetî bîşêrî’ ame viraştene û hunermend, roşinvîr, alimê dînî, KODAR, PJAK, Tevgera Azadî, PYD, Temsîlkarîya HDPyî ya Başûrî, parlamenter, rîsipîyî û şexsîyetê namdarî beşdarê merasîmî bîyî.
Cayê merasîmî de fotografê Rayberê Şarê Kurdî Abdullah Ocalanî û fermandar Egîdî ameyî aliqnayene. Merasîm bi rêzgirewtiş dest pêkerd û têkoşînê Xerîbî ame vatene. Birayê Xerîbî Dr. Rizgarî tîya de qisey kerd û wina va: “Bi şehadete Dîyar Xerîbî berpirsîyarîya ma zêde bî. Ma do rayîrê Xerîbî de şêrî.”
Do qesasê Xerîbî bêro girewtene
Dima ra mesajê Komîteya Şehîdanê Başûrê Kurdîstan ê PKKyî hetê Xerîb Muhammedî ra ame wendene. Mesaj de Xerîb ame vîrardene û ame vatene ke ê do qesasê Xerîbî bigîrî. Mesajê Komîteya Merkezî ya PKKyî zî hetê Serdar Starî ra ame wendene. Mesaj de bale ancîya muhîmîya şehîdan û ameyo vatene ke ê do bi ruhê Embaz Helmetî dagîrkeran biqewirnî. Dewamê merasîmî de mesajê rêxistinanê bînan zî ameyî wendene.
ROJNEWS / SILÊMANÎ