Partîya Azadîya Cinîyanê Kurdîstanî derheqê serrgêra 23. ya şehadetê Zîlane de eşkerayî daye û wina vato: “Xeta Zîlane ya ke dişmenî qehr kena de şer kerdene, têkoşîn dayene, vera îxanetî de vindertiş ziwan û çalakîya dewrî ya. Sondê ma yê vera dişmenî û îxanetî de sondê Zîlane yo.”

Zeynep Kinaci (Zîlane) 30ê Hezîrana 1996î de Dêrsim de vera leşkeranê dewleta tirkî de çalakîyêka fedayî viraştbî û bi çalakîya xo mesaj dabî hêzê ke hewl dayênê vera Rayberê Şarê Kurdî Abdullah Ocalanî de komplo kenî û Ocalanî hedef gênî.

Koordînasyonê Partîya Azadîya Cinîyanê Kurdîstanî (PAJK) bi wesîleya serrgêra şehadetê Zîlane eşkerayîyêka nuştekîye daye. PAJKî eşkerayî de vato ‘Hemraya ma Zîlane ke manîfestoyê ma yê Partîbîyayîşê Cinîyan a û xeta ma ya fedaî ya, ma serrgêra 23. ya şehadetê aye de a bi esasê peymana xo ya cinîya azade, welato azad, Rayberîya azade de bi vîr anê, hurmetanê xo yê bêpeynîyan pêşkêş kenê’.

PAJKî eşkerayî de vato ‘rixmê heme rayravetiş, demogojî, hêrişanê dişmenî û sîstemê serdestî yê camêrdî de xeta Rayberîye rastîya cinî ya Zîlane de vejîya werte’ û eşkerayî wina dewam kerdo: “Hemraye Zîlane, bi çalakîya xo vera komplokarîya mîyanneteweyîye û operasyonanê îmhakerdişî yê dişmenî de  bîya wayîrê qerar û çalakîya pîle û tarîx nuşto. Cewabo ke Rayberîya ma dayo vengdayîşê Zîlane bîyo xete û prensîbê awanbîyayîşê PAJKî û îlanê îdeolojîyê azadîya cinîyan.”

Zîlane prensîbî ra fekveranêdayîş a

PAJKÎ eşkerayî de vato ‘Hemraye Zîlane ke bîya îfadeyê sîstemê kulturê cinsîyetkîyî û kolonyalîstî ra visîyayîşî û bîya sembolê virazîyayîşê îradeyê cinîya azade, Kurdîstan de bîye nameyê cuya newî’ û wina domîyayo: “Zîlanbîyayîş, mezgê kolonyalîzmî û yê sîstemê serdestî yê camêrdî de bi teqayîşêko îdeolojîk, bi estbîyayîşê bi xopawitişî, heman wextî de bi îdîa û qerarê afernayîşê sîstemê cimatê azadperwerîya cinî yo. Coka ma tena sey çalakîyêka fedaî ya leşkerî nêeşkenê biewnî rastîya Zîlane ra. A prensîb a. Prensîbî ra fekveranêdayîş a, xeta şehîdan ra fekveranêdayîş a. No zî ma ser o biserfînayîşê şorişî ferz keno. No do bibo sondê ma yê pêgirewtişê şehîdan û pratîkê ma. Şehîdê ma yê berzî yê ke şertanê nêaleladeyan ê zoran de têkoşînê azadîye rayra berdî, çi bi zî astengîye nas nêkerde û şertanê tewr giranan de zî rayîrê serfirazîye akerd xeta partîye de yenê manaya serkêşî û zelalîye.”

Vengdayîşê Zîlane reseno meqsedê xo

PAJKî eşkerayî de qala vindetişê Zîlane kerda û wina vato: “Hemraye Zîlane ya ke dewrê xo de tam wext de tehlukeyî dîyî û bi çalakîya xo mudaxele kerd, tena dewrêk rê nê, tarîxî rê serkêşîye kerde. Ewro zî îqtîdaro faşîst ê AKPyî ke înkar û îmhakerdişê Kurdan û qirkerdişê cinîyan hîna kerdo pêt û hetêna ra zî hemkarî û îxanetê Barzanî yo ke paştîya xo daya ci resayo merhelayê tewr bitehlukeyî. No sîyasetê komplokarîye de israrkerdiş o. Wina ke polîtîkaya Barzanîperwerîye ya ke heme destkewteyanê Kurdan pêşkêşê dişmenî kena, vatişê ‘Kurdê tewr rindî Kurdê merde yê’ yê dişmenî rê xizmet kena û bi paysernayîşê cenazeyan îhtîşamê xo yê îqtîdarî pawena ganî bêro çinkerdene. Gama ke her tewir hêrişê dişmenî û na xeta komplokare û îxanetkare bêro binfînayene do vengdayîşê Zîlane bireso meqsedê xo. Xeta Zîlane ya ke dişmenî qehr kena de şerkerdiş, têkoşîndayîş, vera îxanetî de vindertiş ziwan û çalakîya dewrî ya. Sondê ma yê vera dişmenî û îxanetî de sondê Zîlane yo. Sere de cinîyî û ciwanî ma veng danê heme şarê xo ke bi ruhê yewîya neteweyîye û serhildanan nê dewrî rê bibê cewab.”

 

 ANF / BEHDÎNAN