HÊVÎDAR HERANÎ ANHA/QAMIŞLO Badê ke 2015 de Kobanê çeteyanê DAIŞî ra ame pak kerdene, xeylê ciwanê ke bajaranê cîya-cîyayan yê Vakurê Kurdistanî û Tirkîya ra ameybî Pirsus û waştênê domanan rê çîyê ke pê kay bikerî bîşêrî. Labelê teqayîşêk virazîyabî û netîceyê teqayîşî de 33 ciwanî merdbî. Ciwanan ra bi nameyê Bêrîtan Asya zî teqayîş ra bi hawayo birîndar xelisîyaybî. Bêrîtan Asya badê ke tedawîya aye qedîyaye, sozo ke daybî embazanê xo tepişte û şîye Rojawan. Bêrîtan Asyaye qisey kerde û va ‘çîyo tewr muhîm o bi ke mi xeyalanê embazanê xo pê ard’ û wina domnaye: “Xeyalê embazan o bi ke rîyê domanan bidî huyayene.” Bêrîtan Asyaye dîyar kerde ke dewleta tirkî o wext destek dayêne çeteyan û wina qedênaye: “Ma zî nêşênayêne vera nê hêrişan de bêveng bimanî. Mi xeyalê embazanê xo pê ard û mi domananê Rojawanî verik kerdî. Seke ma soz dabi, mi sozê xo tepişt. Embazê mi yê şehîdî heta peynîya emrê xo bi bawerîyêka girde cuyayî. Rîyê înan ra huyayîş qet kêmî nêbîyêne. Ez do têkoşînê embazanê xo bidomna.”