Şarê Kurd 4ê Nîsan, 67. Roja Dayikbiyîna Rayverê xo Ocalan’î bi nûmayişan pêşwazey kenê. Nûmayişan de him tecrîdê Îmrali protesto beno, him kî serbestiya Ocalan’î waziyena.
Awrûpa de zî TJK-E hadreyînê nûmayişan kena. Xêlê cayan de bi slogana ‘Ocalan’î rê azadî Kurdistan’î rê statu’ bi hezaran kurdî dê bivejyê meydanan.Kurdistanijî û ceniyê kurd 4ê Nîsan zey roja biyayişê xo qebul kenê û wayrê ci vejyenê. La emserr 4ê Nîsan bi bimbarekînan nê, bi nûmayişan pêşwazî kenê. Kurdê ke teberê welat de, cuwyenê zî 4ê Nîsan de xêlê cayan de nûmayişan virazenê. Ceniyê kurd zî nê nûmayişan rê pêşengtî kenê. Ceniyê kurd 4ê Nîsan de sûka Fransa Strasbûrg de ver bana CPT de nûmayişeke hera virazenê û waştena wedarnayişê tecrîdî dê bikerê û biwazê ke CPT wezîfeyê xo biyaro ca. Hereketê Ceniyanê Kurd yê Awrûpa TJK-E derheqê nûmayişan de jû damustayîn da û vengê tewrbiyîn da.
Eke cenî azad nêbo…
Damustayinê TJK-E de vajiya ke, a roj xêlê cayan de dê nûmayişî viraziyê. TJK-E da zonayen ke roja dayikbiyîna Ocalan’î bi zanayişê ‘xobiyen’ yena pêşwazîkerdin.TJK-E da zonayen ke, roja ke cenî û şarê kurd zey roja dayikbiyîna xo vînenê de ceniyê kurd û şarê kurd dê meydanan de bo û wina va: “Rayverê ma vano, ‘civako ke cenî têde azad niya, şansê ci yê azadî çinyo’ û ‘jû civakî de eke cenî kole bo, o civak zî kole yo.’ Bi nê tespîtan hayr anceno tesîrê sîstemê kolonyalîzm û serdestiya camêrdan ser. Herzewbîn nê tespîtî kilîtê xelesnayiş û çarekerdişî zî vistnenê werte”.
1999î ra na het tecrîdê Îmrali
Hereketê Ceniyanê Kurd yê Awrûpa vist vîrî ke azadî û rêxistinbiyîna ceniyanê kurd netîceyê ked û hewldayişanê Ocalan’î de biya û wina va: “Dekewtişê siyaset yê ceniyanê kurd, vejyayişê koyan, rêxistinbiyayişê ci, tekoşîna ci, her ca de bi rih û zanayişê azadî werzayişê ser payan netîceyê nê ked û hewldayişan de biyo. 4ê Nîsan 1948 serva şarê kurd û ceniyan roja vejyayiş a. Serva ke na vejyayiş açarniyo xelesnayiş bi des serrano tekoşîn yeno dayen.”
Polîtîkayê rehîngirotişî
TJK-E aşkere kerd ke Rayverê înan Ocalan ke netîceyê Komployê Mavêndewletî de 15ê Sibat 1999î de teslîmê Tirkiye kerdî, a roj ra heta na het bin tecrîdeke giran de yo.
TJK-E vist vîrî ke a roj ra heta na het, ceniyanê kurd û şarê kurd rayverê xo tenya nêverda, roj bi roj tekoşînê xo hera kerd û rêxistinbiyîna xo berz kerd û wina va: “Rayverê ma 17 serriyo ke bin tecrîdeke giran de yeno giroten. Na jû zey polîtîkayeke dewlet û stratejiyeke bi zanayiş, zey polîtîkaya rehîngirotiş yena ramiten.
Weşîya Rayverê ma xeta ma ya sûr a
TJK-E hayr ant tecrîdê û serra peynî ser û da zonayen ke Ocalan’î ra jû serriyo ke xeber nîna giroten, ne pawitox, ne malbat ne kî heyetî nêşkenê şirê pêdiyayin.
Damustayin de vajiya ke, weşî, tîvarî û serbestiya Rayverê ma xeta ma ya sûr a û wina vajiya: “No hesasiyetê ma bi zanayiş îxlal kenê. La wa nê quwetê faşîstî bizanê ke şarê kurd û ceniyê kurd dê vera nê polîtîkayanê şantajî de sereyê xo nimiz nêkerê, tim û tim tekoşînê serbestiya Rayverê xo berz bikero, xoverdayişê xo dewam bikerê”
Ocalan’î rê azadî Kurdistan’î rê statu’
TJK-E da zonayen ke 4ê Nîsan’î de xêlê ayan de bi viraştişê nûmayiş û aktivîteyanê ciya tecrîdê ser Ocalan’î do bîro protesto kerdin. Damustayin de vajiya ke ceniyê kurd dê Strasbûrg de rîwalê ca nêardişê wezîfeyê xo CPT protesto bikerê û CPT ra biwazê ke wezîfeyê xo biyaro ca.
Goreyê zonayişê ke damustayin de amey dayen, welatanê ciya yê Awrûpa de bi slogananê ‘Ocalan’î rê azadî Kurdistan’î rê statu’ û ‘Cenî serva Rayverê xo û azadiya ci nûmayiş de yê’ dê rayşiyayişî viraziyê, dosya bîrê dayen û mitîngî viraziyê.
Goreyê teqwîmê TJK-E, 4ê Nîsan de Stokholm, Kopenhaag, Vîyana, Londra, Marsîlya, Berlîn, Hambûrg û Hannover de nûmayişê ciya viraziyenê.
Teqwîmê nûmayişan
Nûmayişa gird zî Strasbûrg de ver bana CPT de viraziyena. Kurdê ke Fransa de cuwyenê ra piya, Eyaleta NRW û Başûr yê Almanya, Swîsre, Hollanda û Belçîka ra bi hezaran kes dê tewrê na nûmayiş bibê. Mitîng ra piya, nûmayişa zincîra însanan do viraziyo.
4‘Ê NÎSAN:
Kopenhag:
Seat: 12:00
Adres: Ver Parlamento -
Rigsdagsgarden 1240 Kopenhaag
Stockholm
Seat: 13:00
Adres: Humlegarden-Stockholm
Londra
Seat: 13:00
Adres: Ver bana Rêxistina Efû
(IAmnesty International)
Vîyana
Seat: 10:00
Adres: Wîpplîngerstrasse 35
1010 Wîen
5‘Ê NÎSAN:
Strasbourg
Seat: 10:00
Adres: Avenue de
L’europe 67000/
Kurdê Vakûrê welatî zî xo serva rayşiyîna vera dewa ke Ocalan ame dinya Amara kenê hadre. Her serr bi des hezaran Kurdistanijî şinê Amara û na roj bimbarek kenê.
NAVENDÊ XEBERAN