Akademîsyenê Unîverîteya Çukurova Mehmet Fatîh Traşî seba ke îmze eştbî vilaweka aştî bi Qerarnameyê Hukmê Qanûnî (KHK) gureyê xo ra ameybî îxraçkerdiş û 25ê sibate de neheqîyan ver xo kişt. Embaz û wendekarê Traşî ra Taylan Koç, Prof. Dr. Mustafa Kalay, Denîz Usluye û Pelîn Songul Çîçeke qisey kerdî.
Koçî qiseykerdişê xo de bale ant prosesê xokiştişê Traşî ser û wina va: “ Berpirsîyarê Malîyeya Unîversîte Haşîm Akçayî kombîyayîşêk de Traşî hedef nîşan dano û vano ‘tîya de kesê PKKyî estî û ders danî.’ Qatilî îqtîdar bi xo yo.” Kalayî va ‘ma nêeşkenî vajî no xokiştiş o’ va: “Çimkî kesê ke bîyî sebeb estî. Traşî seba rewşa ekonomî nê, neheqîyan ver xokişt.” Usluye zî wina va: “Traşî qet eştişê îmze yê vilaweke ver poşmanî nêant. Qewimîyayîş xokiştiş nîyo, qetilkerdişêko sîyasî yo.“
EDENA