Çapemenîya hetkar zî bi propogandayê sîya waşt ke xorayîrberdişan manîpûle bikero û tenya zer xopawitiş û xendekan nîşan bido. Bi no hawa zî hêriş û qetlîamanê hikûmeta AKP meşrû damûsno. Rexnekerdox Ayşegul Tozeren derheqê babedî de vînayîşê xo ard ziwan û aşkere kerd ke, xorayirberdişî serva pêrokîn tirkiye model o.
Xorayirberdiş heqê tewr meşrû yo
Ayşegul Tozeren ciresna ke xorayîrberdiş tirkiye de zî rojdemê esasî yo. Tozeren vistvîrî ke, hêrişî vernîya xendekan de destpa kerdbî û wina qisey kerd: Dewlet xendekan zey sedem damusnena. Xorayîrberdişê ke heqê tewr meşrû yê şarî yo, la şarê tirkiye rê şaş yeno vatiş. Bi rojawanî de roniştiş ra xorayîrberdiş nîno famkerdiş, lazim o xorayirberdişî cayê ci de bêro vînayîş.”
Kinitişê xendekan netîce yo
Tozeren vist vîrî ke, veriya coy şarê tirkîye de fikrê ‘gencî vejyenî koyan’, estbi, nika zî fikrê ‘gencî xendek kinenî’ esto û wina vat: “Çew ser nêy persgirêkan de nîqaş nêkeno. Ma vat wa ciwanî nêvejyî koyan, la nika zî ma vanî ciwanî semedê çi xendekan kinenî. Eslê xo de kinitenê xendekan yew netîce-encam o. Şarê kurd dîrokî ra heta nika her tim dustê zilmî de xover dano.
Tozeren ard ziwan ke xorayirberdiş serva tirkiye zî model o û wina dewam kerd: Xorayîrberdişî semedê şaranê tirkîye zî çîyê do tewr rind o. Ciwanî zî semedê cuyayîşî, xendekan de ganê xo danî. No semedî ra qedexeyê ke ameyî îlankerdiş, çîyê do merdimî niyo. Tozeren va, “merdim nêşîno vernîya fikrê ke wextê ci ameyo bigîro.”
JINHA/AMED