Desteya Pêroyî yê KCD derheqê projeyê ‘Xorayîrberdişî’ de qiseyî-nîqaşî ramitî. Vizêr ‘deklarasyonê çarekerdenê siyasî yê derheqê xorayverînan’ ame aşkere kerdin. Hemsereka DBP Emîne Ayna kombîyayîşî ser o vînayîşê xo ardî ziwan.
Ravêreyeke newî
Hemseroka DBP Ayna qalîkerdişê xo de ciresna ke ewro teberê Kurdistanî, Rojhelatê Mîyanê de ravêreyeke newe esta û wina va: “Derheqê na ravêreyeya newe de projeyekî her dewletê dinyaye esto û no çîyo ke newe nîyo; dîrokî ra heta nika her tim wina bîyo. Dîrokî ra heta nika dewletê ke herem de yî derheqê qederê şaran de bire girewtî. Goreyê min mesele-pirsgirêke tewr gird, şaro ke dewletê înan çin o, ti heqê înan zî çin o û nêşkenî derheqê cuya xo de bire bigîrî. Kurdî zî nêy şaran ra yew î û kurd wayîrê esil ê na erdvînaye yî. No erdvînaye de tena ereb, fars û tirkî nêcuyenî.”
Xoverdayişê biyayiş
Ayna vist vîrî ke, kurdî êdî destûr nêdanî çew derheqê înan de bire bigîro û wina domna: “Ger ke rayna Rojhelatê Mîyanê de cayê sî-kerreyan bibedîlyo û rayna tay dewletî biwazî derheqê şarê ke no heremî de cuyenî bire bigîrî, kurdî destûr nêdanî û nêverdanî ke çew qûwetê ke kurdî çinêbî, têbigêrî. Êdî nêşkenî kurdan çinî bihesibnî, çimkî kurdî xoverdayîşê biyayişî danî.
Emîne Ayna va: “Ma zî sey sîyasetmedarê ke no erdvînaye de cuyenî, projeyê xo de şarî esas gênî. Çi yo no proje? Ma vanî ke tirkî estî û dewleta tirkîye esta, farsî estî û dewleta înan esta û erebî estî û çend dewletê înan estî. La ma nêvanî ke îlla yew dewleta ma zî wa bibo. Lazimo erdvînaye ke ma ser de cuyenî de heqê ma zî bibo û nameyê no heqî zî ma sey xoverdayîş ronenî.”
Statuyê kurdan lazim o
Ayna qalîkerdişê xo de hayr ant projeya çareserî ke ey têkoşînê ci danî ser û wina vat: “No proje tenya kurdan nê, heme tirkîye gêno mîyanê xo û hetê rayberî de heme şarî mîyanê no projeyeî de ca gênî. Lazim o kamîya kurd biba wayîrê statuyekî û ma kurdistanî ra statu wazenî.” Ayna qalîkerdişê xo wina peynî kerd: “Ma tena wazenî rayberîya tirkîye bêro bedilyayîş, pergalê-sîstemê navendî şêro û herinde-hurendiya ci de pergalo ke heremî ra yeno rayîrberdiş, bêro. Ma vanî ke wa tirkîye bibo 25 herem, la ma no vatişî ser nameyê tirkan nêvanî.
Ayna va, serva-semedê kurdistana xoser, kamîyeke sîyasî ma têkoşînê statu danî. Xoserî semedê ma hem waştişekî sîyasî yo û hem zî rayîrê xelesnayişê sîstema navendî yhe tirkiye yo. Ma no sîstem-pergalî tenya dewlete ra nêwazenî, ma bi xo têkoşînê ci danî.”
DÎHA/AMED