Eskerakerdis de avê şehîdê xoverdayişê xorayverîn vîr amey. Eskerakerdis de vajîya ke kombîyayisî de pêro leteyanê Kurdistan û Rojhelatê Mîyanî de qerarê resnayişê serkewtişî yê tekoşîna serbestîye vejîya werte. Kombîyayis bi şîare ‘Xoserîya Demokratîk înşa bikerime, Serbestîya Rayver Apo û Şarê Kurdistan qethî bikerime’ qedîya.
Qederê Rojhelatê Mîyanî
Eskerakerdis de ame vatene ke Kombîyayisî de xoverdayişê xorayverîn taybet cerîya dest û nîya vajîya: “Vîr û wastena serbestîya ke xoverdayişê xorayverîna ame berz kerdene, dest guretena kombîyayisê ma de kî bingê înşa kerdene de her ca de avê berdene, qerarîya jû hemle newe yê serbestî û demokrasî rê çarnayene vejîya werte.” Ame vatene ke serva serbestîya Rayverê Şarê Kurdî Ocalanî têkoşîne kerdene û şexsê Ocalanî de ronayena serbestî û wayûbirabîyena şaranê Rojhelatê Mîyanî ardîya zon. No çarçove de berz kerdena tekoşîna pîyayî qederê Rojhelatê Mîyanî kî tayîn keno.
Sûrîye êşkeno bibo model
Eskerakerdisê nûskî de hayr oncîya Şoreşa Rojawa ser û vajîya: “E ke pêro şar û hometê Surîye ameyî têhet, besekene Surîye açarnê welatekê demokratîk, no kî serva pêro şaranê Rojhelatê Mîyanî beno model.” Xoverdayişê Şengal sero kî nîya vajîya: “Pawitena Xoserîya Şengal, karê pêro quwetanê demokratîk û welatperwerê Kurdistanijan, şaranê Başûrê Kurdistan û Iraq o. Zey Hereketê Serbestî ma jê her demî lewe şarê Başûrê Kurdistanî der ê. Onca demokratîk bîyayena pêro şarê Rojhelat, Îran û Rojhelatê miyanî de role xo besekeme kay bikerime.”
Vengdayişê jûvîna netewî
10. Kombîyayisê Civata Pêroyîn de herzewbîn jûvîna netewî yê şarê kurdî ser o zî vindîya û serva viraştişê Kongreya Netewî pêro qûwetanê Kurdistanizan rê veng ame dayen. Eskerakerdis de şarê kurd ra pîya, pêro şaranê bindest yê Rojhelatê Mîyanî û qûwetanê demokratîk rê, vengdayisê ronayişê ameyişa xo ya azad û demokratîk ame dayen. Herzewbîn genc û ceniyanê kurd ra zî wazîya ke demê newede ra înşa kerdene û rêxistin bîyayena civakî de rolekê aktîf kaybikerê.
BEHDÎNAN