Şîrketê DHL Expressî seba ke 9 karkerî girêdayeyê Turk-Îşî endamê sendîkaya TUMTÎSî bîy û faalîyetanê sendîka meşnayî karî ra vistî. Nê karkeran ra 7 kesî vernîya Mudirîya Pêroyî ya şîrketî ke Bagcilarê Stenbolî de ya de çalakî dayî destpêkerdiş. Çalakîya karkeran roja 16. de dewam kena.Babete ser o karkerê ke çalakî de yî, qisey kerdî.Karkeran ra Selçuk Durmazî wina va: “Ez wexto ke beşa mudirîya fînansmanî de xebetîyayêne û hewte de 20 saete xebate pêşnîyazê ma ame kerdiş, karî ra ameya vetiş. Sere ra nata hedefê înan o bî ke ma îstîfa bikerî.”
Ma do têk nêşêrî
Karkeran ra Ferhat Sonmezî zî ard ziwan ke ‘ti temînatê karkeranê yaxe sipî û yaxe kewan çin o’ û wina va: “Karkerî wazenî bibî endamê sendîka labelê tersenî ke bêkar bimanî. Dima ra zafaneyê karkeran bîyî endamê sendîka.” Serekê Pêroyî yê TUMTÎSî Kenan Ozturkî va ‘DHL nizdîyê 200 welatan de kar keno’ û wina dewam kerd: “Ganî bi hawayo lez nê karkeran tepîya bigîrî kar. Ez DHLyî dawetê îmzekerdişê Peymana Karî ya Komkî kena.
STENBOL