Bi serrana ke şarê kurd wazeno xo bi xo îdare bikero, no ser zî pêroyîya Kurdistan de şarê kurd dest pê înşakerdişê pergalê xorayîrberdişî kerd. Verba waştişê şarê kurd zî AKP dest pê terteleyan kerd. Kurdistan 7 serrî ra hetanê 70 serrî kesan bi îdiaye ‘terorîstbîyîş’ yenî qetilkerdiş. Terteleyan ser endama KJAye Gulbahar Alsoy vat ke ganîyo ke cenîyê kurd pergalê xorayîrberdişî de rolê xo kay bikerî
Zey şer nişan day
Alsoy destnişan kerd ke pergalê xorayîrberdişî ser bi serrana ke niqaş yena kerdiş, taybetê înşakerdişê xorayîrberdişî ser meclîsan aver ame berdiş, cenî zî nê meclîsan de cayê xo girewtî, çi heyf ke dewleta tirk û AKP îlankerdişê xorayîrberdişan zey îlanê şer nişan dayî.
Alsoy wina vat: “Xorayîrberdiş de rolê stûnê cugeh, ekonomî û weşî zaf bi muhîm î, demo ke xorayîrberdiş bêro vatiş, mezgê çapemenîya AKPe şer yeno, no zî bi hişyarî yeno kerdiş. Xorayîrberdiş de armanc xo newe ra xulqkerdiş o. No ser zî heme raşteyan de şar xo bi xo aver beno û xopawitişê xo înşa keno. Weçînayiş de hewna şarê kurd partîya xo HDPe ra wayîr bivejo.”