Ceniyê Kurd rojan ra verî, ebi plansazey û rêxistinbiyînê da pîl meydanan de, her rengê şîdet protesto kenê.
Dersîm de ceniyan bi erbaneyan şiyayiş viraşî. Amed, Mûş, Şirnex, Riha û Batman de zî nûmayişê renginîy viraziyayî.
Dersim û Mûş de vengê ceniyan
Hardê Zarîfe, Besê û Sakîneneyan Dersîm de, cenî seweta tewirbiyayenê nûmayisê 25ê Mijdar’î, ebi erbaneyan siyayis virastî û broşurî kerdî vila.
Nûmayiskaran erbanê kuway û bi sloganan veng day ceniyan.
Mûş Malazgîr de zî pê eynî waştena kombiyayiş virazya. Hemseroka HDPê Mûş Elîf Çetînbaş kombiyayişî de qal kerd û eleqe ant şîdetê zaf-hetin ser û vat: emrê qij-werdî de zewiciyayiş zî şîdet o. Gerek verva şîdetî, ma her ca û her wext pay ra bê. Kombiyayişî dima hetanê Parka Serbestiye, yo şiyayiş virazya.
‘Şîdet qeder niyo’
Meclîsê Ceniyan ê Amed zî, riwalê 25ê Mijdar çalakî viraşt û şîddetê ser ceniyan lanet kerd.
Ceniyan kerdenê camerd-dewlet ê verra ceniyan arde vîrî û aşkere kerd ke ‘şîdet qeder niyo’.
Çalakî de semedê linganê xo ser de vindertiş û heqê xo pawitiş de, veng diya ceniyan ke, cenî meydanan de vengê xo hona gird berzbikerê.
Şirnex de zî çarçoweyê nûmayişanê 25ê Mijdar’î de ceniyan rê semîner ame dayen. Semîner de derheq dê şîdetê zerreyê keye û dewlet de zonayişî amey dayen. Semîner de eleqe anciya xoverdayişê xoser ser û vaciya ke têna bi xoverdayişê eşken-besekene verva şîdetê camerd-dewlet vindernê.
Şîdetê camêrdî îdeolojîk o
Jû sûka bîn ya ke cenî verra şîdet bi rojano meydanan de yê, Riha ya.
Riha de zî ceniyan bi sloganê ‘şîdetê camêrdî îdeolojîk o, xoverdayişê xoser heqo’ waştena şiyayiş virazya.
Azayê KJA, KESK, ÎHD û xeylek saziyê civakê sivîlî ra piya, bi seyan cenî tewrê şiyayişî bî.
Ceniyan xoverdayişê Nisêybînî zî silamî kerd û serva-qandê wayirtedişî veng day. Batman de zî azayanê KJA maçê ceniyan ê ekîbanê Şaredarînê Batman û Îdirî temaşe kerd. Maç ra dima ceniyan qampê Êzidiyan ê Korîx ziyaret kerd û xelesnayişê Şengal silamî kerd.
NAVENDÊ XEBERAN