Fermandarê xoverdayîşê Sûr’î Çiyager Hêvî ke bi slogana ‘Netîce se beno wa bibo do muhteşem bibo’ vera tanq û topanê artêşa Tirk de vindîya, bi taqîpkarê Hallaci Mansûr o ke pey heqîqedî de şi.
Çiyager Hêvî, ke serra 2004 de tewrê têkoşîna serbestî yê kurd bi, xoverdayîşê Sûrî ke 28'ê Mijdara 2015’î de destpa kerd û heta 15'ê Adara 2016’î dewam kerd rê fermandarî kerd. Çiyager’î bi 60 embazanê xo ra pîya, vera hêrîşanê wehşî yê artêşa Tirk de bi îrade û cesaretekê gird xoverda û tarîxê Kurdistan de cayê xo girewt.
2004 de tewrê têkoşîna serbestî beno
Cîhat Turkan bi nameyê silasnaye Çiyager Hêvî, serra 1982 de dewa Derîcê yê qezaya Heskîf a Êlih de ame dinya. Wexto ke 3-4 serre bi, malbata ci koçê Edene kerd. Çiyager seba ke malbata xo rê bibo yardimkar, xêlê karan de xebetya û paralelê ci de wendişê xo zî domna.
Fermandarê YPS'ê Çiyagerke Zanîngehê Dîcle de Beşa Matematîkî wend, nê serran (2004) de bi hawayekê aktîf tewrê mîyanê têkoşînî bi. Serra 2011 de seba xoverdayîşê xorayverînan reyna verê xo da Vakurê Kurdistanî.
‘Netîce se beno wa bibo do muhteşem bibo’
Çiyager Hêvî ke ciwîyayîşeke bê Rayverê Şarê Kurd Abdullah Ocalanî ti carî qebûl nêkeno û ser na bingeyî tewrê xoverdayîşê Sûr beno. Çiyager Hêvî bi 60 embazanê xo ra pîya, 105 rojan vera hêrîşananê artêşa Tirk de xoverda.
Çiyager vera waliyê Tirk ê Amedî û midûrê emniyetî yê Tirk ke şî zîyaretê Minareya Çehar Ling çalakî viraşt û no şerî de şehît kewt.
Çîyager bi vatişanê ‘Netîce se beno wa bibo do muhteşem bibo’ û bi xoverdayîşê bêemsal kewt tarîxê têkoşîna serbestîye Kurdistan’î.
Embazê ci yê têkoşînî Çiyagerî zey derwêşekî, zey qehremanekî û zey şervanekî taqîpkarê Hallaci Mansûrî terîf kenê.
NAVENDÊ XEBERAN