Qezaya Dersim Xozad dewa Pakîre de welatijo bi nameyê Alîşan Îlkbahar ke waşt şiro Qereqola Cendirmeyan de îmze bido raştê êrişê lejkeran ame. Netîceyê gulevornayena lejkeran de lajê Îlkbaharî Mesût Îlkbahar ke wesayît ramit bi dirbetin. Genco ke pîzeyê xo ra gule girot hetê dewijan wedarîya nêweşxaneyê Xozad û peycoy zî wedarîya nêweşxaneyê Dersim.
Zey ‘pirodayis’ damûsnenê
Rixmê pêrokîn mudaxaleyan Mesût Îlkbahar nêame xelesnayen û weşîya xo kerd vindî. Pî Alîşan Îlkbahar kî bado ke wextekê qereqol de ame giroten peycoy serbest veradîya. Alîşan Îlkbahar ke DÎHA rê qisey kerd nîya va: “Rîwalo ke derheqê mi de dawayekê bî ra, serva îmze eştişî ez şîya qereqol. Verîya ke ma biresê qereqol 3-4 gule vornay wesayîta ma. Lazê mi wesayît ra vejya, destê xo wedarna û va ‘Ez bîya dirbetin’.
Badê êrişî lejkeran qereqol ra rîwalo ke bîyayis zey pirodayis bidê damûsnayen gulevornay dorme. Rîwalê gulevornayen hêgayê dewa Xoşan de veş vejîya.
DÎHA/DERSIM