ZAHÎR ÎBRAHÎM
SILÊMANÎ/ROJNEWS
Serokê Rêxistina War a ji bo Parastina Jîngehê Hejar Mahîr diyar kir ku êrîşên dewleta Tirk ziyanekî mezin digihîne jîngeh û xwezaya Kurdistanê.
Serokê Rêxistina War a ji bo Parastina Jîngehê Hejar Mahîr diyar kir ku di encama bombebarana artêşa Tirk de zêdeyî sed hezar donuim erazî û pûş şewitîne û ziyan dîtine.
Balinde û giyandarên din jî jê zerarê dibînin
Hejar Mahîr got êrîşên dewleta Tirk kiriye ku xweza û jîngeha herêmê tine bibe û wiha peyivî: “Bi hezaran darên weke, dara mazî, dara berû û dara kezwanê wêran bûne. Daxwazê ji aliyên peywendîdar dikim ku hewldanên xwe zêde bikin, ji bo ev êrîş bên rawestandin. Ji ber ku dubarebûn û berdewamkirina topbarana wê bibe sedem ku şewata çiya û erazî berdewam bike. Ev jî ziyanek mezin e bi jîngehê digihîne. Ji derveyî ziyan û zerera ji bo mirov balinde û giyandaran.”
Gelek ziyan çêbûye
Her wiha Mahîr diyar kir ku nexasim di encama bombebarana artêşa Tirk de a sînorên Başûrê Kurdistanê gelek ziyan çêbûye û ziyan bi vî rengî rêz kir:
“Kêmkirina şînatî û têkdana hevsengiyê.
- Kêmkirina asta hêlbûna avê û bandoriya xerab a li ser baranê.
- Kêmkirina avên bin erd, ji ber ku di aliyê ve çavkaniya ava ser erde.
- Kêmkirina oksîjenê û zêbûna karbondîoksîtê.
- Kêmkirina parastina daran, ji ber nexweşiyan bi lez ziyan gihîje.
- Peydabûna dûkêla ku ziyanê digihîne çav û bedena mirov.”