Temsîlkarê cinî yê xêlê rêxistinan aşkere kerdî ke, ê netîceyanê referandûmî qebûl nêqenê û vatî, ‘heta ke cinî nêvajê qedîya, do ‘Nê’ nêqedîyo
Cinîyanê Halkevî ra Ece Unsal, vist vîrî ke weçîntayîşo ke bi dek û dolaban ameyo viraştiş rewa nîyo. Unsal dîyar kerd ke se ra 50'î şarî vato "Nê”, nayî ra na qanûna bingehîn zî rewa nîya. Unsal vist vîrî ke 3 aşmîyo ke cinî her cayê cuye de seba berzkerdişê vengê “Nê” ser payan ê û va, “Senî ke ma kuçeyan de heqê xo yê kurtajî vist dest, senî ke Gezî de bi hezaran cinî vejyay kuçeyan û nêşî keyeyê xo, senî ke ma qanûna tecawizî de peyser gam da eştiş, ma dê seba “Nê” yê xo zî kuçeyan de têkoşîn bikerê.
Endama Halkevî Ece Unsal vist vîrî ke, her çendî “Ya” vejîyabo zî, reyna OHAL ameyo îlankerdiş û va, ‘no qerar rîwalê tersî yo.’ Unsal aşkere kerd ke ‘Cinî dê teslîmê yew merdekî nêbê.’
‘Netîce zelal o: Nê serkewt’
Meclîsa Cinîyan ê Kongreyê Demokratîk ê Şaran (HDK) Zeynep Altinkaynak zî, ard ziwan ke rixmê polîtîkayanê şerî, reyna zî 16'ê Nîsane de, netîceyê ke Erdogan’î pawitî sindoqan ra nêvejyay. Altinkaynak aşkere kerd ke referandûmî de “Nê” serkewt” û vist vîrî ke YSK; bi fermanê Erdoganî bi hawayekî aşkere sûcdarî kerdo.
Altinkaynak, dîyar kerd ke netîceyî xeyrêmeşrû yê, seba cinîyan ti hikmê ci çin o û va, ‘Ma dê tim wayîrê “Nê” bivejyê.’
‘Meşruîyetê 16ê Nîsane çin o’
Verfeka Hereketê Cinîyanê Demokratîk (DKH) Dilşad Canbaz zî vist vîrî ke vûrnayîşê qanûna bingehîn ê îxtîdara Erdoganî de, madeyekê bi cinîyan ra eleqedar çin a. Canbaz aşkere kerd ke AKP ya ke no 15 serrî yo îxtîdar a, nê polîtîkayanê xo yê zayendperest û paşverû her cayê weşîye de damûsna. Dilşad Canbaz aşkere kerd ke ti meşrûîyetê 16ê Nîsane çin o û va, ‘Ma dê têkoşîna yewîye yê cinîyan bihêz bikerê.
‘Têkoşîn ramena’
Verfeka Meclîsê Cinîyê Sosyalîst (SKM) ê Stenbolî Gulçîn Aykul zî aşkere kerd ke “Nê” ya cinîyan nêqedîya, têkoşîn ramena. Aykul dîyar kerd ke iyê dê ti wext bîadê îxtîdara serdest û dîktatorî nêkerê û qiseyanê xo bi nê vatişan qedêna: “Ma qerarê bihîle yê YSK qebûl nêkenê. Ma dê her tim dûştê netîceyanê xeyrêmeşrû de vinderê û xover bidî. Dergkerdişê OHALî nêeşkeno têkoşîna ma ya serbestî ya cinîyan manî bikero.
STENBOL