Pawitoxa Rayverê Şarê Kurd Abdullah Ocalan, Ebru Gunay qalîkerd.
Wa bêro roşnkerdiş
Gunay ciresna ke semedê roşnkerdişê ravêreyeya Komploya Mîyannetewî de rolê Atînaye êy doz akerdo û wina domna: “Ma awayo sembolîk tazmînatekî tewr nimiz waşto. Ma wazenî na ravêreyeye bêra roşnkerdiş û verpersîyar zî bêrî aşkerekerdiş. Birêz Ocalan 9’ê Citmenge de Şamî ra vejya ame Yewnanîstan, semedê ke tîya de nêame qebulkerdiş şi Rusyaye, rayna Îtalyaye ra şi Rusya, Yewnanîstan, Kenya û tewr peynî zî tîya de ame tepiştiş.
Bala merdimî anceno
Gunay qalîkerdişê xo de bal ant ser rolê îdarekarê yewnanijan û wina vat: “Na ravêreyeye de sere ra heta peynî rolê îdarekarê yewnanijan zaf bi, nêy îdarekarî zî kesê muhîmî bî. Heta nika hetê huqiqî de çîyekî nêameyo kerdiş, no zî bala merdimî anceno. 5’ê sibate de belgeya bextwaştoxî ameyo îmzekerdiş, la no belge nêdekewto merîyet. Yewnanîstan dekewto mîyanê hewldayîşekî kêfî û korsanî. Ma kamder hetî ra vajî werte de neheqîyekî gird esto.”
Gunay ciresna ke şîyîşê serekwezîrê Yewnanîstanî ya Tirkîyaye bi mana yo û peynî kerd: “Goreyê pîvanê Yewitîya Ewropaye, cayo ke cezaya îdamî tede bibo, ti bextwaştox teslîmê aye welatî nîno kerdiş. Şîyîşê Serekwezîrê Yewnanîstanî Tsîpras a Tirkîyaye û taloqkerdişê dozî çîyo ke tesadufî nîyo. Lazim o helwestekî ke zirar nêdo têkîlîyê kurd-yewnan bêro nîşandayîş.”
ATÎNA