Rayberê Şarê Kurdî Abdullah Ocalan û şarê kurdî heta nika bi xoverdayîş û vindertişê xo na komploye veng veto.Bi nêzdbîyîşê serrgêra 17’in a komploya mîyanneteweyî de şarê kurdî her cayê dinya de dest pê şermizarkerdişê komplo kerdî û çalakîyê şermizarkerdişî her ke şono hîna girdêr benî. Çarçiweya çalakîyê komplo de paytextê Yewnanistanî de konferansêkî bi babeta ‘Serrgêra 17’in de komploya mîyanneteweyî, perspektîfê Ocalanî yê seba krîza Rojhelatê Mîyanênî ra vejyayîşî û rolê kurdan’ bêro viraştiş.
Komplo de rolê Yewnanîstan
Qalîkerdişê akerdişî ya konferansî do pawitoxê Rayberê Şarê Kurdî Abdullah Ocalanî Yîannîs C. Rachiotis ke Atîna de doz akerdo bikero. Ronîştişê yewin a konferansî bi babeta ‘Serrgêra 17’in de komplo û encamê ci’ bêro viraştiş. No ronîştişî de KNKe ra Songul Karabulut ser ‘Sebebê komplo û averşîyayîşê dîroke’, nuştox ‘Mîchalîs Charalambidis zî ‘Komplo de rolê Yewnanistanî’ ser o’ huqiqnas Margarat Owen ‘Huqiqê mîyanneteweyî de amey remnayîş’ , pawitox Ebru Gunay zî ‘Sey verdewamîya komploye tecrîda 17 serrin’ qalî bikerî. Ronîştişê diyin de zî do babeta ‘Krîzê ke Rojhelato Mîyanênî ra vejyayîşî de perspektîfê Ocalanî û rolê kurdan’ ser o bêro vindertiş. No ronîştişî de zî do Hemserekê HDP Selahattîn Demîrtaş babeta ‘Sîyaseta demokratîkî ra ewnîyayîşo newe’, Hemserekê PYD Salîh Muslîm zî babeta ‘Hêvîyê Şarê Rojawanî’, Wekîlê Meclîsê Ewropa Monîlîs Glezesuz zî do babeta ‘Şarê yewnanî reyde raşteyê têkoşînê hemkar’ ser o bivindero.
ANF/ATÎNA