Lîjneya Wezîran badê hewldayenê derbe Koşkê Çankaya de are bî. Badê kombîyayiş Serokwezîrê Tirkîye Yildirimî bîlançoyê hewldayena derbe aşkere kerd.
Yildirimî da zanayiş ke 60ê ci polîs, 3ê ci lejker, 145 sivîlî û 24ê derbekaran ra pîya 232 kesî merdî, 1491 kesî zî bî dirbetin. Bînalî Yildirimî aşkere kerd ke heta nika 7271 kesî amey binçimkerden, nînan ra 100ê ci polîs, 6038ê ci lejker ê. Kesê ke amey binçimkerdiş ra derheqê 316an de qerarê tepiştiş ame dayen.
Yildirimî aşkere kerd ke goreyê qerarê HSYK azayîya 5 azayanê HSYK vistiya yo. Herzewbîn wezîfeyê 2745 hakîm, sewcî û gurekarê darezgerî vindernîya. Serva tesfîyekerdişê tayî gurekaranê raya pêroyîn zî gureyînî amey destpa kerden. Derheqê 1500 wezîfedaranê raya pêroyîn de derheqê wezîfe ra dest antişê înan de qerar ame dayen.
Serokwezîrê Tirkîye Bînalî Yildirim herzewbîn da zanayiş ke derheqê 8777 gurekaranê Wezîrtîya Karê zereyîn de qerarê vindernayişê wezîfe ame dayen û gureyînî destpa kerdî.
ANF/ENQERA