Di daxuyaniyê de hate diyarkirin ku şeva 12’ê Adarê hêzên rêjîmê û pêxwasên wan ên bi navê, ‘’Difai Wetenî’’ li ber firina nan a Qamişlo êrîşî şervanê YPG’ê Hemo Hesen Qewas kirine û di encamê de Qewas jiyana xwe jidest daye. Di berdewama daxuyaniyê de hate destnîşankirin ku li ser vê yekê hêzên YPG’ê li dijî hin navend û bargehên rêjîmê û pêxwasên wan operesyon daye destpêkirinû hêzên wan avahiya gumrikê ya li Taxa Qudurbeg ku wekî bargeha leşkerî dihate bikaranîn, her wiha firina nan taxa Xerbî ku pêxwasên rêjîmê wekî navend ji xwe re bikar di anîn û ji wir êrîşî welatiyan dikirin hatine bidestxistin.


YPG derbe wan da
YPG’ê ragihand ku di şer de 7 leşkerên rêjîmê û pêxwasên wan hatin kuştin û gelek hatin birîndarkirin, her wiha 10 leşker dîl hatine girtin. Her wiha gelek cebilxane jî ji aliyê hêzên YPG´ê ve hatin desteserkirin. Di daxuyaniyê de hate destnîşankirin ku ku hêzên YPG’ê ku herêm ji leşkerên rêjîmê û pêxwasên wan rizgar kirine û ewlekariya li herêmê careke din pêk hatiye. Derbarê çekên ku hatin bidestxistin ev agahî hatin dayîn: “BKC’yek, RBG’yek, 3 yelekên ji pola, 48 kelaşnîkof, 2 demançe, 11 tirimpêlên leşkerî û gelek çebilxane.”

Ji YPG´ê hişyarî
Di dawiya daxuyaniyê de hate gotin ku Fermandariya Giştî ya YPG’ê bi armanca  derfetê li pêşiya aştî û aramiya herêmê vebe, îlankirbû ku dê çalakiyên xwe yên leşkerî bide rawestandin û wiha hate domkirin: ‘’Lê dema êrîş li dijî herêm û gelê me pêk were em ê bersiva tund bidin wan. Em careke din ji her kesî re tekez dikin ku kîjan alî êrîşan pêk bînin, dê bersiva me dijwar be û em rê nadin tu kesî destdirêjiya gelê me û xaka me bikin.’’

QAMIŞLO