Şerwanê YPG/YPJê bi desteka şarê heremê ra na yew bi ser vistî û serkewtişê xo zî domnenî. Hêzê Sanadît ê ser bi eşîra Şamîr zî, destpêka ravêreyeya Şorişa Rojawan û no dem ra het hêzê YPG/YPJê ca gênî. Eşîra Şamîr a ke heremê Til Koçer û Cezaa yê Kantona Cizîrê cuyenî, eynî demê de heremê cida yê Iraqê zî manena. Eşîra Şamîr Iraqê de nê bin kontrala ti hêzî de ya. Bi tena heremê xo pawiyena. Rojawan zî, dijî DAIŞê têkoşîne de ca gêna û vana ke; ‘YPG kura ra şîra se do ma zî eynî cayê ra şîrî’ û destnîşan kena ke ê pîya Bexdayê zî azad bikerî.
Resayî yewbînan
Hêzê Sanadît ê bin siwana YPGê de yê vanî: “Ma pîya plansazî û hedrayeya operasyonê kenî. Ma (ereb) merdimê deştê yê, ê (kurd) merdimê koyan ê. Goreya waştişê xozayê, ko û deşt resayî yewbînan. Zatî esil muhîm zî no yo.”
Hêzê Sanadît dîyar kenî ke rengê sûr a beyraqa înan de gonî û rengê zerd zî roşnî temsîl kena û xo ra zî nameyê ‘raywanê ser mergê sûr’ ronayî.
REŞÎT SERDAR/ANF/HESEKÊ