Hemserokê DBP yê Çewlig Halîs Yurtsever 4ê Hezîran 2015î de, çarçoveyê operasyonanê qirkerdenê siyasî de ame binçimkerdin û peycoy bi îdiayê ‘propagandayê rêxistin’ de tepişiya. Yurtsever 9 aşmiyo girotxaneyê Osmaniye de maneno. Yurtsever o ke jû serrî ra kêm-sênik cezayê ci mendo, 7ê aşma Îlonî de dadgeriyê ceza yê Osmaniye rê waştenname da û waşt ke çarçoveyê ‘qanûna serbestiya bi qontrolî de serbest bîro viradayen. Dadgerî waştena Yûrtsever’î red kerd û îmze eşt jû skandalê da newî.
‘Rêxistin ra abirye’
Dadgerîya înfaz bi sedemê derheqê ‘rêxistina ke girêdayê ci yo ra nê abirniya’ waştenname nê ame dayen’ waştena Yûrtsever’î red kerd. Pawitoxê Halîs Yûrtsever’î Yûsûf Ofgelî derheqê qerarî de qisey kerd û ard ziwan ke, qerarê dadgerîna înfaz nîno qebûl kerdin. Ofgelî va: Jew keso ke azayê rêxistin niyo ra yeno waşten ke, azabiyîna rêxistin ra abiryo û ina va: Yûrtsever tenya ‘propaganda’ ra ceza giroto û waştena ci hiqûqî ya.
Ofgelî aşkere kerd ke, waştenê dadgerî jew keso ke ‘azayê rêxistin niyo’ zey ke ‘azayê rêxistin o’ bîro qebûl kerdin o. Pawitox Yûsûf Ofgelî aşkere kerd ke, îye de qerarî berê mahkemeya berz.
DÎHA/HATAY