Panelo ke bi rayverîna DEM-GENÇ de viraziya, hemserokê DBP Kamûran Yuksek ra piya bi seyan wendekarî tewr bî. Hemserokê DBP Yuksek panelî de qisey kerd û hayr ant ravêrşiyînanê peynî yê Kurdistan û qetlîamanê dewlet ser. Yuksek’î vistvîrî ke, dewlet herem de qetlîaman virazena. Mesele, meseleyê xendek niya, meseleya silasnayiş û nêsilasnayişê îradeyê şarî yo.
Serva îxtidara xo diyalog girot
Kamûran Yuksek’î ard ziwan ke, serva haşitî qenal-rayê diyalogî abiyayê, la nê qenalî hetê seray û AKP amey giroten û wina dewam kerd: Hereketê PKK waşt ke 10 xalê konsensusê demokratîk bîrê qanûnîkerdin. La hikûmet serva-qandê azwer-xirsê îxtidara xo, qenalê ke serva haşitî abiyay girot.
Hemserokê DBP Kamûran Yuksek’î aşkere kerd ke, AKP bi tersnayişê şarî herb da destcikerdin. Her ca de êrişê waştenanê ‘îdareyê cewherî’ yê şarî kena. Yuksek’î verra sereştişanê şarî hayr ant tekoşîna piyayî ser. Yuksek’î vistvîrî ke, verra sereştişanê dewlet tenya raya xopawiten û xoverdayiş manena. Badê qiseyan, panel bi pers û cewaban dewam kerd.
DÎHA/ÇEWLIG