Komployê Mavêndewletî ya 15’ê Sibate serrgêra 17. de Heremê Pawitişê Medyayî de hetê gerîllayan ra ame şermizarkerdiş. Gerîlla Kendal Amanos ciresna ke komplo şexsê Rayberê Şarê Kurdî Abdullah Ocalanî de dijî heme şarê kurdî ameyo kerdiş û wina vat: “Komplo roja ma ya eyro de zî dewam kena. Bi tecrîda ke 2 serrî ra vîşêr a ke ser Rayberê ma de yena şidênayîş komplo yena verdewamkerdiş. Rayna komplo Rojawan, Vaşûr û Vakûr de rameno. 

Vernîya nika komplo ameybî pûçkerdiş la qirkerdişê hovane ke yenî kerdiş sey parçeyêke komploye kewtî dewre. Dewleta tirk aşkere kerd ke tay planê aye estî. Sey şar û tevger ma do nê planan pûç bivejî. Sey gerîlla tay planê ma zî estî. Planê înan o bi ke heta wisarî ma biqedênî la nêşînay biqedênî. Nika ma dekewnî aşma wisarî. Ganî şarê ma serewedaritişê xo hîna berzêr bikerî. Sey hêzê pawitişê no şarî ma do heyfê heme şehîdê xo bigîrî. Serkewtiş ê şarê kurdî yo.”


Planê masterî

Gerîlla Ferzad Amara zî komploye şermizar kerd û qalîkerdişê xo wina domna: “Waştî ke komploye reyde vîrdozîya Rayber Apoyî yesîr bigirî labelê Rayber Apo bi pawitişê xo yê Îmraliye seba merdimîye bi roşnîyêke newe. Planê Masterî ke nika dewleta tirk wazena Kurdistan de bierza merîyet, sey Fermanê Şark Islahatî ya ke 1937’î de amey xebetnayîş a. Muhîm o ke her kes wina fam biko û goreyê ci têkoşîn bido. Sey gerîlla ma soz danî ke ganî serra 18’in a komplo de ma do têkoşînê ke nika Kurdistan de yenî meşnayîş, têkoşînê gerîlla reyde bikerî yew û komloye yewna ray pûç bivejî. Ez yewna ray na roja sîya şermizar kena.”


Komplo do pûç bibo

Gerîlla Vîyan Botan da zanayîş ke lingêkî komplo bi hêrişê hovane yê ke dijî şarê ma yê Rojawan, Vaşûr û Vakurî dom keno û wina vat: “17 serrî verê şexsê Rayber Apo de dijî heme merdimîye komployêka gird ame viraştiş. Ma wazenî vanî ke dijî na komploye ma do têkoşînê xo her ca de berz bikerî. Ger ke planê dewleta tirk ê qedênayîşî estî se, planê ma yê azadkerdişê şarê xo û Rayberê xo zî estî û ma do bi nê planan têkoşînê xo bivêjî asta tewr berz.”  


Xoverdayişê 17 serrî

Gerîlla Dogan Jîrkî vat ke ê do bi têkoşînê Kurdistanî komploye pûç bivejî û wina dergî da qiseyanê xo: “Sey gerîlla ma xo seba heme çî hadre kenî. Nê 17 serrî ke Rayber Apo xover dano û komplo pûç kerdo. Sey fedaîyê Rayberê xo seba pûçkerdişê komploye ma do her wextî ra vîşêr bibê wayîrê xoverdayîşî. Wa şikê ti kesî na raştî ra çinêbo.”


Ma dê peynî bikerê

Gerîlla Musa Rojdî zî destnîşan kerd ke gerîlla do bi pawitişê xoverdayîşê xorayîrberî ya şarê Kurdistano Vakurî û bi girdkerdişê no têkoşînî komploye pûç bikero û vat ‘Şarê xo reyde ma do na komploye bişiknî û peynîya yesîrîya fîzîkî ya Rayber Apo bîyarî.”  


 ANF/BEHDÎNAN