Merdena miletî rê benê sa û vanê ‘heq ceza da kurdan.’
Tabî na nijadperestîye û bêvijdanîye hen mexsuse tayê mordeman nîya. Hukumat ra bije hata çapemenîye, televzîyonan her kesî û sazîyan na murdarîye rê raye kerde ra.
Nî vijerê xo era xo vîrî nêanê.
1999 xo vîra kerdo. O zelzele de çiqas însanan weşiîya xo kerde vîndî, naye era xo vîrî nêanê.
Nêzonene ke zelzele tofanode xozayîyo, her ca de beno. Nî tofanî tirk û kurd ceranêkenê. Hama bê ke na hal nijsadperestan û bêheqan rê bide famkerdene. Nêbeno, famnêkenê.
Sazîyanê Kurdan 1999 de yardim rusna, hama sermîyananê kordînasyonê zelzelî no yardim qebul nêkerd. Ya, mezgê nî sermîyanan de her tim xiravîya esta, rindîye çîna. Pê merdu bîle sîyaset kenê.
Hukumat 24 satî tewa nêkeno.
Naye RTE bi xo vano. Bi na tore jedebîyayena merdu rê beno sevev. Dewlet û hukumatê tirkî nîya ceza danê miletî. 24 satî çi pînê ke. Nî her çîyê xo bi pîlan û zanayîs kenê. Dima name na pîlanî kemasîye nanê pa, hama hen nîyo tabî.
Hukumatê tirkî yardimê dugelanê bînan nêwast û peyser çarna ra. Hukumatî merdena însananê Wanî waste, çike o ca de leto jede kurdî ciwîyînê. Zovîna ça yardimê dugelanê bînan peyser çarnenê ra. Na roza tofanî de bîle hêfguretene vîrî dera, çike sarê Wanî weçînîtîs de vatena na hukumatê gonewerî nêkerda.
Zîhnîyetê dewlet û hukumatê tirkî na wo. Cawo ke sîyaset de sernêkewtê, o ca ra roza tengede hêfê xo cenê.
Însanê qilêrinî sîyasetê qilêrinî anê kar. Her çîyê xo no sîyaset o.
Valîyê Wanî nêverdano rêxistinê sîvîlî weşîya însanan bixelesnê, mexduran rê yardim bikerê. Serdestîya xo verva mexduran anê kar. Teqet û qeweta xo seweta merdene gureynenê.
Onca bî eskera ke nînan de dîn û îman nêmendo. Nî muslumanî nîyê, musluman ra qederî her çîyê. Zalim yê, qetilkar yê.
Heto jû ra tofanê xozayî, heto bîn ra hukumat û dewleta tirkî danê kurdan ro. En roza xiravine de bîle şîmşerê xo yê goninî xo dest ra nêerzenê.
Kurde ke RTE, Abdullah Gül û Bülent Arınç ra vanê ‘nî mordemê ramanîyê’ gune bisermayê, rîyê xo bidezo.
Tofanê xozayî netev-metev nasnêkenê. Eke ameyî kamîya keşî pers nêkenê, sanenê xo ver benê. Hama cematê tırki nayê famnêkeno.