Hiyşar Ozsoy’î bi jû vêrniyazpers hayr ant jêdebiyayişê binlinkerdişê heqan yê verra rojnamegeran ser. Ozsoy’î persa, qûwetê dewlet bi kamcî sebeban mudaxaleyê rojnamegerê ke ser karê xo de yê, kenê? ‘Çima azadiya xeberviraştiş yê rojnamegeran destê ci ra yena giroten’, kerd.
Tirkiye rêza 149. de ya
Ozsoy’î xalê 26. û 28. yê serbestiya xebervilakerdiş û xebergirotiş vist vîrî û va, heqa esasî yê însanan, azadiya xeber girotiş a, la îxtidar rojnamegeran zey taloke vînena û verniya karê înan gêna.
Ozsoy’î hayr ant îstatîstîkê 2015î yê rojnamegerî ser û aşkere kerd ke 2015î de, Tirkiye 180 welatan ra rêza 149. de ya.
Verniyazpers de Ozsoy’î zewbînî Bekîr Bozdag’î rê nê persan kerd:
* Homara rojnamegerê ke Tirkiye de nika tepişteyê çend o?
* Rojnamegerê ke ceza girotî, sûcê ci çiçîbî.
* 5 serranê peynî de, derheqê qûwetanê dewlet yê ke rojnamegeran rê şîdet kerdî de çend gerreyê sûcî bî?
* Tarixê komarî de, çend rojnamegerî bî qûrbanê cînayetan. Nê cînayetan ra çendiyê ci roşnî bî, çend kiştoxî amey cezakerdin?
* Semedê ke zextanê ser rojnamegeran wedarnê, azadiya çapemenî, îfade fikir bigîrê bin garantî, çima kamcî vûrnayişanê qanûnî kenê plan?
NAVENDÊ XEBERAN