Sazî û dezgehê elewîyan zî fikrê xo yê referandûmî aşkere kerdî. Babete ser o Hemsereka Şûbeya Edene ya DAD’î Seher Kiliçe û Serekê Şûbeya Edene yê PSKD Şukru Şahînî qisey kerd.
Kiliçe va ‘nika erjê merdimîye yenî hedefgirewtiş’ û qiseykerdişê xo wina domnaye: “Elewîyî bi seserran zext û zordarîyan ver tarzê xo yê cuyayîşî ra tavîz nêdayî. Ma zî bi nê ruhî seba modelêko demokratîk vanî nê. AKP seba ke wazeno nîzamêko antîdemokratîk awan bikero, zîhnîyetê 14 serran beno referandûm. Ma do sey DAD vajî nê.
Şahînî zî va ‘qanûno bingeyî yo ke yeno viraştiş, goreyê kesêk yeno viraştiş’ û va “Qanûno bingeyî yê 1980 de elewî, kurd, bindestî û sinifa karkeran çinî ameybî hesibîyayîş. Nika qanûno bingeyîyo ke wazenî bîyarî, yê 1980 ra xirabêr o.
EDENA