Zeynep Kinaci (Zîlane) 30ê Hezîrana 1996î de Dêrsim de bi çalakîyêka fedayî viraştbî û bi çalakîya xo mesajêk dabî komploya ke vera Rayberê Şarê Kurdî Abdullah Ocalanî. Her serre şehadetê Zîlane yeno vîrardene û mesajê xurtkerdişê têkoşînî yeno dayene.
Çarçewaya vîrardişê Zîlane de, gerîlayê HPGyî Fîkret Pîrozhatî û gerîlaya YJA Starî Jîyan Botane qisey kerdî û qala muhîmîya vîrardişê Zîlane kerde.
Gerîlayê HPGyî Fîkret Pîrozhatî qala têkoşînê Zîlane kerde û wina va: “Derheqê Zîlane de qalkerdiş zehmet o. Merdim tim wazeno ke bibo sey aye. Gama ke ma qala aye kene, zerîya ma nêdejena. Ma bi beşerîyayîşî Zîlane bi vîr anê. Zîlane şexsîyetêka tarîxî ya. 20 serrî yo derheqê aye de mi zaf çîyî wendî û goştarî kerd. Rayberîye vano ‘Zîlane fermandara min a.’ Merdim xo ra perseno gerîlayêka 2 serre senî wina bena fermandare. Reyna Rayberîye vano, ‘Heqîqete raştîye rê ayebîyayîş a’ Zîlane resaye heqîqete.”
Ma do heta peynî têkoşîn bidî
Gerîlaya YJA Starî Jîyan Botane zî muhîmîya vîrardişê Zîlane ser o vindete û wina va: “Ma serrgêra 23. ya Zîlane de bi wendişê aye û vîrê aye ra xo resnenê. Ma do heta peynî têkoşîn bikerê û Rayberîya xo azad bikerê. Ganî cinîyê ciwanî semedê girdkerdişê xoverdayîşî verê xo bidê koyanê azadan û rêça Zîlane de têkoşîn bidê.”
ANF / BEHDÎNAN