Di mîyanê kampa AFADe de pirsgirêkan gelek rayan kewt rojdemî Tirkîyaye, dewleta Tirkîyaye nêzdîbîyîşê DAIŞ di mîyanê kampa xo de bi welatijê Kobanê dona cuyayiş. Welatijê Kobanê yê ke kampê AFADe ra remenî ardî ziwan ke dema ke di kampa AFADe de gelek zehmetî antî û êdî ê hetkarîya dewleta tirk nêwazenî.
Ma zilma ra remay la
Welatijê bi nameyê Îyaz Ehmed (36) vat ke ê di kampa AFADe de zey cuyayişek zîndane de cuyay û wina vat: “Ez zilmî ra hes nêkena, ez seba zilmê koçber bîya. Ez nêameya ke destê dewleta tirk zilm bivîna. 8 malbat di mîyanê konekî de cuyaynê, ma çi weş nêvîna. Ma seba zilmê remay la ma amey kewtî destê zilmê. Ez nêşona kampa newe. Ez senî şîra na zîndane?”
Maya bi nameyê Nehîre Hebeş (40) vat ke heqê dewleta Tirkîyaye çino ke ser înan zordarîyê bikera û wina dewam kerd: “Welatijan çi ardî seba werdişê no demî lejkeran dest ser no werdişê kerdî. Nê çike ke seba şar ameynê zî tirawitî. Her tim lejker ser, serê ma de bî û no ser zî ma zaf teng bîynê.”Hewna welatij bi nameyê Nurî Kartoyê Minazir (60) destnîşan kerd ke her dema ke wazeno bivejîyo teberî lejker nasnameyê ey wazeno, no zî no ser zî teng beno û wina vat: “Ma waşt ma biagêrê hetê şarê xo.
Hewna di kampe de heme welatijê wazenê biagêrî la seba nika komşaristanî ma de heme kon nêameyî ronayiş no ser şarê ma bendî de yo. Heme kes vano ke ma bikişî, ma nêşonî kampê newe yê dewlet tirk.”
DÎHA/RIHA