Beriya daxuyaniyê xwendekar û mamosteyan ji bo cangoriyên Kurdistan deqîqeyê rêz girtin. Daxuyanî ji aliyê Mamoste Dîcle Dag ve hat xwendin. Dag destnîşan kir ku gelê Kurd ji weke hemû gelên cîhanê xwedî ziman, çand û xak e û wiha got; "Di Rojhilata Navîn de yek ji gelên ku herî zêde ziman û çanda wan rastî dagirkerî û asîmîlasyonê hatiye Kurd in. Lewma em gelê Kurd dixwazin weke her gelê li cîhanê bi ziman û çanda xwe li ser xaka xwe bi awayekî azad bijîn." Dicle Dag axaftina xwe wiha berdewam kir; "Hêzên hevkar û dagirkerên welatê me zimanê Kurdî li gorî berjewendiyên xwe qedexe kirin. Eger em rastiya zimanê Kurdî ya pêre rû bi rû dimîne didin berçavan, em dibînin ku hêzên serwer tenê ji bo perçiqandin û lewazkirinê dixebitin. Çawa her gel xwedî maf e divê ji bo civaka Kurd jî heman maf bên naskirin. Bi gotinekê Zimanê Kurdî di çarçoveya kursan de pejirandine. Em dizanin ev yek tiştekî herî kêm e û nabe gaveke berbiçav. Divê zimanê Kurdî ne tenê di çarçoveya kursande bê dayîn. Pêwîst e her Kurdek karibe zimanê xwe bi awayekî herî baş bi kar bîne.

Bi vê boneyê em wek mamoste û xwendekarên Mexmûr ku bi zimanê dayikê perwerde didin û dibînin bang li hemû hêzên navneteweyî dikin bila dest ji wan polîtîkayên asîmîlasyon, îmha û înkarê bedrin, têkoşîna gelê Kurd a ji bo azadiyê bibînin û her kes ji bo çareseriyê têbikoşe da ku zarokên Kurd jî weke hemû zarokên cîhanê bi awayekî azad bi Kurdî bihizirin, bixwînin û binivîsîn."
Daxuyanî bi dirûşmayên "Bijî Serok Apo", "Bijî Têkoşîna Gelê Kurd" û "Zimanê Me Hebûn û Rûmeta Me ye" bi dawî bû. 

DÎHA/MEXMÛR



Li her derê daxwaza mafê ziman
Di 21'ê Adarê Roja Zimanê Zikmakî ya Navneteweyî de i bakûrê Kurdistanê û Tirkiyeyhe li 25 navendan çalakiyên bi daxwaza mafê zimanê zikmakî pêk hatin. Di çalakiyên hatin lidarxistin de Kurdan daxwaza mafê zimanê zikmakî bi slogana, "Zimanê me rûmeta me ye" anîn ziman.
KURDÎ-DER û Egîtîm Sen'ê bi minasebeta 21'ê Sibatê Roja Zimanê Zikmakî yê Navneteweyî li Enqere, Eden, Wan, Ebex, Elbak, Erdîş, Colemêrg, Gever, Şemzînan, Amed, Farqîn, Erxanî, Bîsmîl, Mêrdîn, Qoser, Dêrîk, Nisêbîn, Cizîr, Sîlopş, Riha, Êlih, Îzmîr, Mûş, Milazgir, Tetwan û gelek bajar û navçeyên din meş û daxuyanî pêk hatin. Di daxuyaniyan de hate xwestin ku ji dibistana seretayî heta zanîngehê zimanê kurdî bibe zimanê perwerdehiyê û di makezagonê de bê parastin.

NAVENDA NÛÇEYAN