Grevê veyşanî yê Girotxaneyê Şakranî roja 37. de yo. Merhaleyê krîtîk yê rewşê weşîya nûmayîşkaran destpê kerd.
26 tepişteyanê sîyasî yê ke Girotxaneyê Şakranî yê Alîaga yê Îzmîrî de manenê, seba wedarnayîşê tecrîda ser Rayverê Şarê Kurd Abdullah Ocalan’î, peynîardişê binling kerdişê heqanê mordeman yê girotxaneyan, qedînayîşê îşkenceyê fîzîkî û psîkolojîk, 15ê Sibatî de destpa grevê veyşanî ya bêdem û bêdorveger kerdî.
Girotxaneyê Şakranî ke açarnîya navendê îşkence hor roj agahîyeke newî yê binling kerdîşê heqan yena. No girotxaneyî de tepişteyan rê zext û muameleyê kêfî yenê ferzkerdîş. Heqê şîyayîşê doxtor, heqê pêdîyayîşî yeno manîkerdîş. Wexto ke seba mûayeneyî benê zî, seba tedawî girotişê destan bi kelepçe tepişteyan rê ferz beno.
Pêdîyayîş açarnîya îşkence
Wextê pêdîyayîşî ameyo kêmkerdiş û pêdîyayîş zey amûreke îşkence vera tepişteyan yeno xebetnayîş. Kesê ke şinê zîyaretî vernîya girotxane û zerreyê girotxane de benê hedefê tacîzê fekî û fîzîkî. Wexto ke tepiştey û malbatî hemverê nayî de vejyenê, raştê cezayê aşmeke tewrnêbîyayîşê pêdîyayîşan yenê.
Gardîyanî wextê pêdîyayîş û cigêrayîşî de her tim kesê ke şinê zîyaretî tehrîk kenê. Herzewbîn wextê serhûmartişî de tepişteyan ra wazîyeno ke werzê ser payan. Tepişteyan vera nê binlingkerdişê heqan û seba wedarnayîşê tecrîda ser Rayverê Şarê Kurd Abdullah Ocalan’î, 15ê Sibatî de destpa grevê veyşanî kerdî.
‘Weşîya tepişteyan taloke de ya’
Çîçek Aydin ke seba pêdîyayîşî şi Girotxaneyê Şakranî da zonayen ke timî polîtîkayê cezakerdişî ser tepişteyan yenê ferzkerdiş û waşt ke, heyetek bi lezî şiro girotxaneyan de cipersyayîş bikero. Aydinî vist vîrî ke rewşê weşîya tepişteyanê grevê veyşanî, endî ver bi nêbaşî şino. Çîçek Aydin’î da zonayen ke ganî waştenê tepişteyan bi lezî bîrê qebûlkerdiş û wina va: “Roj bi roj xesareke giran nûmayîşkaran ser o bena. Xo ra şert û mercê girotxaneyan însanî nîye. Her ke şino, heqaret ma rê kenê. Seba ke hêrîşê ma bikerê sebeban geyrenê. Hewce keno ke çareserîyeke lezî bîro peyda kerdîş.”
Tepişteyê ke grevî de yê wina yê:
Beşa T2 ê Şakranî: Eren Tekîn, Sînan Ekmekçî, Mûstafa Akaş, Cengîz Dogan, Necdet Kaya, Erhan Erguz, Mûrat Dûran, Kasim Ozdemîr. Beşa girotî yê T3 ê Şakranî: Zana Yaktin, Îhsan Balkaş, Ozgur Guçlu, Ozkan Yaşar, Aslan Îlhan. Beşa T4 ê Şakranî: Abdullah Aksû, Yûsûf Ozdemîr, Ronî Yavûz, Mûhammet Birû, Şivan Bîlîk, Ahmet Azad, Nayîf Yargin, Veysî Kaya. Beşa Cinîyan ê Şakranî: Hurriyet Dogan, Mahsûne Şedal, Cîhan Asî, Meryem Soylemez, Derya Moray.
Grevê veyşanî ke 15'ê Adare ra tepya xêlê girotxaneyan de destpa kerdî zî ramenê.
ANF/ÎZMÎR