DENÎZ ÎKE / ANF / XARPÊT
Zîndananê Kurdistan û yê Tirkîya de peynîya neheqî, muameleyo xirabin û îşkenceyî nîna. Bitaybetî Zîndanê Xarpêtî no het de yeno rojeve.
Hepsîyan ra Alî Gerdenî mektûbêk erşawite û derheqê çîyê ke Zîndanê Xarpêtî de benî de melumatî dayî. Gerdenî mektûba xo de wina vato: “Hepsîyê ke 28ê Teşrîna peyêne de Zîndanê Wanî ra ameybî surgunkerdiş, ardî tîya. Heme heqê ma yê tedawî û weşîye yenî astengkerdiş. Awa germe bi hawayo nizamin nêdîyena hepsîyan. Cezayê kêfin dîyenî hepsîyan û sehnayîşo rût hepsîyan ser de yeno ferzkerdiş.”
Gerdenî mektûba xo de dîyar kerdo ke rojname, kovare û kitabî nêdîyenî û wina va: “Seba ke revîr çin o, embazê ma nêşênî tedawî bibî. Ez veng dana rayapêroyî, wa herkes nê îşkenceyî bivîno û veng bivejo.”