Fermandarîya Pêroyî ya YPJyî îzehetêko nuştekî da û derheqê Zîn Kobanê ke Xoverdayîşê Rûmetî de şehîd bîye de melumatê muhîmî pare kerdî. Fermandarîye îzehetê xo de Zîn Kobanê ya ke 2011 de beşdarê YPJyî bîbî û heme şehîdanê bînan vîr ardî.
Fermandarîye îzehetê xo de vato ‘Hemraye Zîne şerwananê sifteyînan ke vera DAÎŞî de şer kerda ra ya’ û wina dewam kerdo: “Hemraya ma Zîne 2013 de fermandarîya şerê Serêkanîyê kerde û xoverdayîşêko gird nîşan daye. Zîne xeylê hemleyanê ma de tewr vernî de xover daye. Zîne herçiqas ke Kobanê de birîndar bîye zî, xoverdayîş ra dûrî nêkewt û serkewtişê girdî dest vistî.”
Fermandarîye daye zanayene ke ê do vîrardişanê hemrayanê sey Şevîne, Hebûne, Rosyare, Tekoşîne, Avêsta û Zînan hertim bidomnî û wina vato: “Her şehîd ra dima berpirsîyarîya ma zêde bena. Ma bi nê zanayîş û berpirsîyarîye heme şehîdanê xo vîr anî û sozê bicaardişê xeyalanê înan danî. Ma şexsê şehîde Zîne de heme şehîdan bi rêzdarî vîr anî, birîndaran rê zî şîfa wazenî.”
ANHA/QAMIŞLO