Erdogan’î bi kancî lîderan ra qisey kerd, dişmeniya xo yê vera PYD û destkewteyanê Kurdan ard ziwan û wast ke tayn cayê Suriye, zey mintiqayê tampon bîrê îlan kerdin. La belê nê wastenê Erdogan’î qebûl nêbî û bê ke nameyê Tirkiye bîro dayen, eleqe anciya destego ke hikumetê AKP dana DAIŞ ser.
Pûtîn: Tayn azayê G20 paşt danê DAIŞ
Serwezîrê Rusya Vlademîr Pûtîn qisanê xo de eleqe ant ser dewletê ke paşt danê çeteyanê DAIŞ û vat: Nezdiyê 40 dewletî destegê siyasî û aborî danê DAIŞ. Nê dewletan miyan de, azayê G20’î zî estê. Nê vatenê Pûtîn’î morê xo da zîrwe ro û xeylê hetî vanê ke, dewleta azayê G20’an ke, Pûtîn’î qalê ci kerd, dewleta Tirk a.
Obama: Verra DAİŞ ma dê Kurdan ra piya bixebtê
Serokê Emerîka Barak Obama zî, qiseyanê xo de xeyalê dewleta tirk ê zey mintiqayê tampon, pûç vetî. Obama wastenê ‘Suriye de tayn cayan de mintiqeyê tampon ronê’ yê Erdogan û AKP red kerd. Obama’yî va: “Ma qerar da, mintiqayê tampon, çiyê rê nêbenê û ma çiyê winayin rojdemê xo ra vet”. Obama wastena Erdogan’î ya zey mesafe bikirê mabênê xo û rayverînê Rojawayê Kurdistanî zî red kerd û vat: Mayê vera DAIŞ, bi Kurdanê Suriye û Iraq ra piya bixeftiyê. Mayê nika ra tepiya zî, destegê xo yê serva-qabê Kurdan biramê. Enê vatenê Obama zey xeripinayinê planê dewleta tirk ê vera Rojawa hesibiyenê.
NAVENDÊ XEBERAN