Janna Aram mintiqaya Sibiryayê Rusyaye maya xo ra bîya, seba vistewrîya xo ya mêrdinij reyde Kurdî qise bika şî kurs û mîyanê serrêk de zî Kurdî musa. Babete ser o Janna Aram vat ke a Sîbîrya ra ameya û yew kurdêk reyde zewejyaya, vistewrîya a tena Kurdî zanena qise bika û a waşta vistewrîya xo de têkilî birona û no ser zî dest pê musayişê Kurdî kerda.
Janna Arman wina vat: “Min çiqas musa, wina Kurdî ra hes kerda, ez nika hetê qiseyê Kurdî, dest pê vatişê deyrê Kurdî zî kerda. Kultirê Kurdan de meyman ra zaf bi qiymet yeno dayiş. Ez şaş manena ke senî Kurd ê Kurdî qise nêkenê. Kurdî ziwanêko zaf bi şîrîn o, edebîyatê Kurdî zî zaf bi weş o. Ganî Kurd ê zî ziwanê xo vîra nêkê û qise bikê. Ma şarê Rusî kotî de bibî bila bibî ma qiseyê ziwanê xo ra fek veranêdanê. Çimkî yew kultir de tewro avzel ziwan o. Eke ziwan bimro, kultir zî mireno.”
Ziwanêk zaf bi qadîm û zengîn o
Aram bal ant zengînîya Kurdî ser o û wina qedîna: “Ziwanê Kurdî sey mîsalê behrî yo, zaf bi hera û xorîn o. Mîyanê cumleyêk de zaf bi çekû yenê şuxilnayiş. Ez nika dest pê kitabê şîîrê yê bi Kurdî kerda. Çi balo ke zaf çekûyê Rusî û Kurdî hembar ê. Misal Kurdî de şaş, Rusî de ‘şeast’ o, Kurdî de mişk û spas Rusî de ‘miyska’ û ‘spasiba’ yenê vatiş.” Aram tewro peynî vat ke ganî Kurd qise bikê, biwanê û binusê, çimkî Kurdî ziwanêko bi weş o.
MERKEZÊ XEBERAN