Hunermende Eleonore Fournîau ke bi vatişê deyîranê Xezal Xezal, Şîrîna min û sewbîna yena şinasnayîş, haletê muzîkî yê bi nameyê Hurdy Gurdyî seserra 12. ra nata esto, cinena. Fournîauya ke eslê xo de fransayij a û deyîranê Kurdî û Tirkî vana, derheqê muzîk û xebatanê xo de qisey kerdî. Fournîauye dîyar kena ke aye 2010 ra nata deyîranê Kurdî û Tirkî vana û wina domnena: “Ez seba ke nînan bimusa, şîya Stenbol. Eleqeyê mi bi muzîkê Anatolîya estbi. Embazê min yê kurdî estbî û ez înan ra deyîran musaya. Kalikê mi fransayij nîyî, Başûrê Fransa de herêma Oksîtanya ra yî. Bi serran aye herême de polîtîkayê asîmîlasyonî ameyî ramitiş û ê polîtîkayî serkewtî. Pîyê mi seba ke ziwanî bidomno, şîîran nuseno. Ziwanê bindestî eleqeyê mi ancenî.” Fournîau dewamê qiseykerdişê xo de wina vana: “Hîkayeya ziwanê kurdî tayêna cîya ya. Çimkî kurdî têkoşîn danî. Labelê tayê merdimî haya nêyî de nîyî û ziwanê xo nêmusnenî bi domananê xo. Ez bi xo hewl dana nê hîsan neqlê nê merdiman bikera. Ez wazena embazanê xo yê xerîban zî beşdarê nê muzîkî bikera. Grûbêka ma esta, hetê nînan de xebatê min yê albumî zî estî.” PÎRHA / KOLN