Pêrasbesteyê Torra Raporkerde û Dokumankerde ya Şopnayişê Heqê Ziwanî bi wesîleya 21’ê Sibata Roja Ziwanê Dayîke Dinya aşkerayêk da. Aşkera bi zaravayê Çerkezî Ubihkî ame wendiş.
Aşkera de bal ancîya avzelîya ziwanî ser o, ame vatiş ke ziwanêk vîndî bibo se şarêk mireno. Hetê Împaratorîya Osmanijan ra şarê Ubihî ame surginkerdiş û nika ziwanê Ubihkî yeno vîrkerdiş. Ame dîyarkerdiş ke tewro peynî Teyfîk Esenç ziwanê Ubihkî zanaynê, o zî 8ê citmenga 1992î de cuya xo da û no ser nika no ziwan binê erdî de yo. Çi heyfo ke bi astenek, hawar ziwanêk ame vînîkerde na herre de.
Bi ziwanê dayîke perwerde
Aşkera de ame parekerdiş ke wa her kes wayîrê ziwanê dayîka xo bivejo, wa verê ziwanan qedexeyan bêro hawanayiş, wa her kes bi rehetî ziwanê xo reyde biciwo. Tewro peynî ame dîyarkerdiş ke wa her kes seba qezencê ziwanê xo do têkoşîn bidê û xebatanê 21’ê Sibate ra wa her kes beşdar bibo.
PÎRHA/STENBOL