Emerîka wexto ke dîktator Saaddam Huseyînî çekê kîmyewî rijnay ser Helepçe Amerîka temaşe kerd, la peycoy seba ke dekewtişê xo yê Iraq rewa damûsno bi behaneyê çekê kîmyewî destpa operasyonî kerd. Tirkîye ke nika no teqtîqê Emerîka esas gêna zûrîyeke gird ard rojdemî. Rojnameyê AKP Yenî Şafak sernuşteyê “Zûrîya kîmyewî” kirêşna manşeta xo ya vizêrî. Çapemenîya hetkar ke rejîmî zey çimeyê na xeer damûsna îdia kerd ke destê PYD de çekê kîmyewî estê. Rojnameyî bi manşeta “Stokê kîmyewî PYD de yo” îdia kerd ke rejîmî çekê kîmyewî Hesekê de teslîmê PYD kerd o.
Kîmyewî behane yo, hedef Minbic o
Zûrî û îdiayê rojnameyî bi nînan ra bi sînor nîyê. Xeber de vajîyeno ke rêxistin do nê çekanê kîmyewî Minbic de kar bîyaro. Nê îdiayî zey îtirafî yê herzewbîn îşaretê talokeyekê gird, êrişekê verra Minbic zî keno. Îxtimaleke winayîn de sûc do bierzîyo ser PYD. Nika hadreyînê êrişekê winayîn yeno kerden.
Verîya nika êrişê ke hetê Tirkîye virazîyayî de xeberê şixulnayişê çekanê kîmyewî amebi rojdem. Dewijê ke dewanê başûrê Cerablûs ra rîwalê êrişanê dewleta Tirk goçê Minbic kerdî day zonayen ke artêşa Tirkîye bi çekanê (tifing) ke normal nîyê bombevornayen kerd. Na rîwal ke însanan de verişnayiş û ganê ci de veşayişî aysîyay.
Çormeyê Efrîn de pirodayişî
Heto bîn ra çeteyanê SÛK ke dewleta tirk ra paşt gênê vizêr seatanê sodir de hîrê hetan ra eştî mewzîyanê Ceyş El Siwar yê sûkeka Efrîn Ehrez ser. Badê hêrişan pirodayişî destpa kerdî.
DÎHA/ENQERA