Şarê Kurd seba Kobanê û Rojava zaf hîşyar o. Hersê eyê zî zaf xiddar o. Derdê Şarê Kurd zî zaf xorin o.
Kam hew Kurdistanij ra qisê kena, fek xo akeno û vano gera na dewleta Tirk ser cihanê ra bîyero rakerdiş. Herkes vano ke, şerê ke Kobanê û Rojava de yeno ramitiş rastê û rast dewleta Tirk ramnena.
Na hetê ra yew Kurd zî şik nêken o. Pêronê înan zelal fikirkenî. Vanî heme hêrîşên ke ser Rojavayê Kurdistanê benî dewleta Tirk koordîne kena.
Qey nayê Şarê Kurd hem kewto rewşek benginîya xemdar û hem zî hemberê dewleta Tirk kewto rewşek heyfgirewtişê.
Şarê Kurd bi benginîya heyfgirewtişê beşdarê meş, mîtîng û çalakîyê ke seba Rojava û Kobanê beno. Des û pances rojîyo çalakiye ke virazîyenî çiqas şinî zêdeyîr benî. Çiqas şina hûmarê çalakgeran zî zêde beno.
Tayî bajaran de zerrê çend deqiqan de bi hezaran Kurd kombenî û çalakî virazenî. Ez heşt serrîya Ewropa de ciwîyena, mi heta nika rewşek hina nêdîbî. Kurdê Êzîdî, Kurdê Elewî, Kurdê Yeresanî, Kurdê Zerdeştî, Kurdê Sunnî, Kurdê Şîî pêronê înan bî yew ruh. Ez çalakiyê Bakurê Kurdistan zî taqîp kena. La raştîyek esta ser Rojava û Kobanê Şarê Kurd yê ke Ewropa ciwîyenî gorê Bakurê Kurdistan hina hîşyar o. Hina lez xo rêxistin keno û wayîrê Rojava vejîyeno. Eger Şarê Bakurê Kurdistan zî hina bikerdenê dewleta Tirk cesaret nêkerdenê ke çeteyên xo yên bi name DAÎŞ bişrawo ser Rojava û Kobanê.
Bena zorê tayî kesan şîyero, ez eşkera vana ke Bakûrê Kurdistan heta nika gureyê xo weş nêard ca. Gera heta nika Bakûrê Kurdistanê de bi mîlyonan Kurd sey lasêrî bişîyerenê serxetê Rojava û Kobanê.
La çi heyfo ke hûmare zaf tayî şîyê. Vîzer ne perê şand newe Şarê Kurd yê Bakûrê Kurdistan wirza ser lingan. La zaf herê mend. Tena ser lingan bîyayîş zî bes nîyo. Gera bi mîlyonan însan şîyero serxetî û sinor wertira rakero. Berzo ser çeteyên DAÎŞê T.C.
Bi ewnênê Rêberê Şarê Kurd Abdullah Ocalan vano se. “Çareserî çîna. Muzakerê zî çîna. Caye ke Kurd ciwîyenê, uca kam cadi DAÎŞ bibo, gera Kurd xoverdayîş bikerenê. Hemberê DAÎŞê heta peynêye xoverdayîş bikerenê. Gera qet û qet tawîz nêyero dayîş”. Rêberê Şarê Kurd eşkero vano ke, DAÎŞ hêzêke kontgerillayo. Xo ra verêcu vatibi JÎTEMê rojhilatê mîyanêno.
Tîya de Rêberê Şarê Kurd Abdullah Ocalan eşkero vano gera Şarê Kurd hemberê çeteyên DAÎŞ û wayîrê eyî T.C re bikewro tekoşînê. Hemberê înan xoverdayîş bikero. Hina eşkerê qisê kerdo. Tîya ra pê yew vajo pêvajo û mevajo ê tena xo bixapîno. Dişmenê xo ra serê xo derbikero. Teberê nayê de çi mane ke bîn çîno. Eşkerê ê vajo Ey dewleta Tirk mi qirbikeri.
Ez Almanya de zaf gêraya, Şarê Kurd dirîya dewleta Tirk weş dîy o. Qey nayê zî zaf bi herso û vazeno heyfê Rojava û Kobanê dewletaTirk ra biger o. Hina bîyo ke Hacî Dayê ma zî wazenê şîyerênê Kobanê û hemberê çeteyên DAÎŞê T.C şerbikerenê.
Bajarê Dortmund de wexto ke 5 aşmê de mîtîng û meş virazîya, yew Hecî Dayê amê cayê mi û mi ra qisêy kerd va: “Ez wazena şîyerî Kobanê û hemberê çeteyên DAÎŞê T.C şer bikerî. La mêrde mi Hecî vano ti pîr bîya. Ti nêşkena şer bikerî. La reyna ez wazena şîyerî Kobanê de şer bikerî”.
Eger yew Hecî Dayê Kurd hina qerar gena se, ciwanê Kurd seyînê herkes tehmîn keno.