Bi se hezaran ermenî kiştî, mal û milkê înan talan kerd û bi des hezaran ermeniyê weş xelisiyay jî, remay cayanê cîya ê cîhanî.24”ê nîsana 1915 jî, zey seraçarnayinê ena qirkerdin qebûl beno.Eno wesîleya her serr 24”ê nîsan di, qurbanê qirkerdin yenê vîrardin.Enê qirkerdinî de, cenî, camêrd, qeçek, genç û pîrî bi se hezaran ermenî û asûrî kişiyay.
Sûk, qezay, dew û mezrayê ermenî û asûriyan, açariyay golanê gunî.Eno qirkerdin, zey qirkerdinê siftayin ê se serra 20in rîpelanê tarîx de ca girot.Nika eno qirkerdinî sera tam 100 serrî ravêrdî.La belê hewna jî rayverîna dewleta tirk siyasetê înkarî ramena.
Dewleta tirk enê qirkerdinê ki verê çimanê cîhanî de viraziyaya, zey istanik û zûrî name kena û wazena cîhanî bixapeyno.Her roj bi damûsnayinê bêhîm û belgeyanê zûrî vejena û îdîa kena ki, qirkerdin nêbiyo.Eynî wext di vana arşîvê dewletê, “arşîvê ki bê dewleta tirk kes emel nêkeno” jî lêkolînkaran rê akerdeyê.
Her çiqas rayverîna dewleta tirk qirkerdin înkar bikiro jî, hetanî nika sernî di Fransa, Belçîka, Îtalya, Swêd, Swîsre, Yewnanistan, Qibris û Avusturya xeylê dewletan zey qirkerdin silasnaya.Parlemena Ewrupa jî, nameyê 27 dewletanê Jûbiyayinê Ewrupa ser, qirkerdinê ermeniyan qebûl kerd.
Dewletanê Jûbiyayinê Emerîka her çiqas resmî qirkerdin nêsilasnaya jî, la belê 52 eyaletan ra, en kemî 33 eyaletan zey qirkerdinê resmî silasnaya.Ancî Serokê Emerîka jî her serr, 24”ê nîsan di, jû damûsnayin danê û qurbananê qirkerdin anê vîrî.Cîhanî de jî rayverê xeylê dewlet, welat, partiyê siyasî û saziyê sivîlî jî, bi merasimanê ciya ciya qurbananê qirkerdin anê vîrî.
Bi enê merasimana dewleta tirk ra wazenê ki, qirkerdinê ermeniyan bisilasno.Emser jî, bi wesîleyê serraçarnayin sernî di Ermenistan, welatanê Ewrûpa û Emerîka xeylê cayan ermenî û asûrî û şarê bînî merasimê vîrardini viraştî.Vîrardinan de dewleta tirk ra waziya peyniyê siyasetê înkarî biyaro û qirkerdina en gunîn ê se serra 20’in qebûl bikiro.
NAVENDA XEBERAN